Қандай тағамдар улануды тудырады?

Қазақстан Республикасы Азаматтық рәсімдік-процестік кодексінің 178 -бабына сәйкес-бітімгершілік келісімді оны жасасқан адамдар осы к елісімде көзделген тәртіппен және мерзімдерде өз еркімен орындайды. Егер бітімгершілік келісім өз еркімен орындалмаған жағдайда , онда ол бітімгершілік келісімді жасасқан адамның өтініші бойынша сот беретін атқару парағының негізінде мәжбүрлеп орындауға жатады. Осылайша, талапкер кейіннен сот орындаушысына берілетін атқару парағын беру үшін сотқа жүгінеді. Өз кезегінде сот орындаушысы "Атқарушылық іс жүргізу және сот орындаушыларының мәртебесі туралы" Қазақстан Республикасының Заңына сәйкес соттың атқару парағын пысықтайды.

Қазақстан Республикасы Кәсіпкерлік кодексінің 137-бабының негізінде санитариялық-эпидемиологиялық бақылау органдары тексерудің мынадай түрлерін жүзеге асырады: 1) б ерілген рұқсаттар бойынша біліктілік немесе рұқсат беру талаптарына, "Рұқсаттар және хабарламалар туралы" Қазақстан Республикасының Заңына сәйкес жіберілген хабарламалар бойынша талаптар сәйкестігіне жүргізілетін тексерулер (бұдан әрі - талаптарға сәйкестігін тексеру); 2) жоспардан тыс тексерулер.

Қазақстан Республикасы Әкімшілік рәсімдік-процестік кодексінің 99-бабына сәйкес-шағымды қарау мерзімі ұзарту құқығынсыз шағым түскен күннен бастап жиырма жұмыс күнін құрайды.

"Әкімшілік құқық бұзушылық туралы"Қазақстан Республикасы Кодексінің 41-бабына сәйкес халықтың санитариялық-эпидемиологиялық саламаттылығы саласында әкімшілік құқық бұзушылық жасағаны үшін әкімшілік жазалардың негізгі түрлері: ескерту, әкімшілік айыппұл салу, қызметті тоқтата тұру немесе тыйым салу болып табылады.

"Әкімшілік құқық бұзушылық туралы" Қазақстан Республикасы Кодексінің 62 - бабының 1-тармағына сәйкес-осы Кодексте көзделген жағдайларды қоспағанда, адам әкімшілік құқық бұзушылық жасалған күннен бастап екі ай өткен соң әкімшілік жауаптылыққа тартылуға жатпайды.

Біріншіден, қорқорға арналған темекіні және қорқор қоспасын тұтынуға қойылған шектеулер, халық денсаулығын қорғауға бағытталған шаралар, екіншіден, ондайды тұтынудан пайда болатын тәуелділікті болдыртпауын көздейтін профилактикалық және алдын алу іс-қимылдары ретінде танылады. Құқықтық деңгейде қорқорға арналған темекіні және қорқор қоспасын тұтынуға қойылған шектеулермен алдын алу шаралары Қазақстан Республикасы «Халық денсаулығы және денсаулық сақтау жүйесі туралы» кодексі 110 бабында бекітілген, бұнда көзделген бірқатар талаптар мынадай. Қорқорға арналған темекіні, қорқор қоспасын: - жиырма бір жасқа дейінгі адамдарға сатуға; - он сегіз жасқа дейінгі адамдардың сатуына; - денсаулық сақтау, білім беру ұйымдарының, дене шынықтыру-сауықтыру, спорттық және спорттық-техникалық құрылысжайлардың, стадиондардың ғимараттары мен аумақтарында сатуға тыйым салынады. Бұдан әрі, қорқорға арналған темекіні, қорқор қоспасын сатуды жүзеге асыратын адамдар сатып алушының жиырма бір жасқа толғанына күмән туындаған жағдайда: - жеке басты куәландыратын құжатты көрсетуді талап етуге; - егер жеке басты куәландыратын құжат көрсетілмесе қорқорға арналған темекіні, қорқор қоспасын сатудан бас тартуға міндетті. Осымен қоса, қорқорға арналған темекіні, қорқор қоспасын: - білім беру ұйымдарының үй-жайлары мен аумағында, сондай-ақ кәмелетке толмағандардың демалуына арналған ұйымдарда; - денсаулық сақтау ұйымдарының үй-жайларында; - мәдениет объектілерінде, музейлерде, кітапханаларда және лекторийлерда, кинотеатрларда, театрларда, цирктерде, концерт, көру және көрме залдарында, спорт ұйымдары мен дене шынықтыру-сауықтыру ұйымдарында, спорт ареналарында және көпшіліктің демалуына арналған басқа да құрылысжайларда; - мемлекеттік органдар мен ұйымдарда; - балалар алаңдарында тұтынуға тыйым салынады. Кәмелетке толмаған адамдармен қорқорға арналған темекіні, қорқор қоспасын тұтынуға тыйым салынады.

ҚР Әкімшілік рәсімдік-процестік кодексінің (бұдан әрі-ӘРПК) 91 - бабына сәйкес-әкімшілік рәсімге қатысушы әкімшілік актіні қабылдауға байланысты емес әкімшілік актіге, әкімшілік әрекетке (әрекетсіздікке) әкімшілік (сотқа дейінгі) тәртіппен шағымдануға құқылы. Шағымды әкімшілік (сотқа дейінгі) тәртіппен қарауды жоғары тұрған әкімшілік орган, лауазымды адам жүргізеді. Шағым әкімшілік органға, әкімшілік актісі, әкімшілік әрекетіне (әрекетсіздігіне) шағым жасалатын лауазымды адамға беріледі. Егер заңда өзгеше көзделмесе, сотқа жүгінуге сотқа дейінгі тәртіппен шағымданғаннан кейін жол беріледі. Егер заңда жоғары тұрған органға шағымдану қажеттілігінсіз сотқа жүгіну мүмкіндігі көзделген жағдайда, әкімшілік орган, әкімшілік әрекеті (әрекетсіздігі) дауланатын лауазымды адам, әкімшілік акті сотқа кері қайтарып алумен қатар жоғары тұрған әкімшілік орган басшысының, лауазымды адамның уәжді ұстанымын ұсынады. Жоғары тұрған әкімшілік орган, лауазымды адам болмаған жағдайда әкімшілік актіге, әкімшілік әрекетке (әрекетсіздікке) сотта шағым жасалуы мүмкін.

Лауазымды адамға қарсылық білдіру (өздігінен бас тарту) егер ол: - осы әкімшілік рәсімге әкімшілік рәсімге қатысушы немесе оның өкілі ретінде қатысқан болса; - әкімшілік рәсімге қатысушының жақын туысы, жұбайы (зайыбы) немесе жекжаты болып табылса; - әкімшілік рәсімге қатысушыға қызметтік немесе өзге де тәуелділікте болса; - жеке өзі, тікелей немесе жанама түрде әкімшілік істің нәтижесіне мүдделі не оның объективтілігі мен бейтараптығына күмән тудыратын өзге де мән-жайлар бар болса.