ЭЦҚ-ны шетелде ҚР-дің шетелдегі мекемелері арқылы рәсімдеуге болады. Оны Қазақстан Республикасының резиденті болып табылатын жеке және заңды тұлғалар, сондай-ақ резидент емес жеке және заңды тұлғалар ала алады.
Қазақстан Республикасының шетелдегі мекемесіне бармас бұрын, pki.gov.kz порталында өтінім беру қажет. Ол үшін «ЭЦҚ кілтін ХҚКО арқылы алу» сервисін таңдап, ЖСН енгізіп, барлық қажетті жолдарды толтыру керек. Процестен өткен соң өтінімді басып шығарып, қол қою қажет.
Консулдық бөлімге ұсыну үшін қажетті құжаттар тізімі:
1. Жеке тұлға (резидент):
Өтініш (1-қосымша нысаны, pki.gov.kz порталынан, бірегей нөмірмен);
Жеке басын куәландыратын құжат (төлқұжат, жеке куәлік, туу туралы куәлік);
Өкіл арқылы өтініш берген жағдайда — нотариалды расталған сенімхат;
Кәмелетке толмағандар үшін ата-аналары туу туралы куәлікпен бірге өтініш бере алады.
2. Бірлескен кәсіпкерлік:
Өтініш (2-қосымша нысаны);
Өтініш берушінің немесе өкілінің жеке басын куәландыратын құжат;
Өкіл арқылы берілген жағдайда — нотариалды сенімхат.
3. Заңды тұлға, филиал немесе өкілдік:
Өтініш (2-қосымша нысаны);
Өтініш берушінің немесе өкілінің жеке басын куәландыратын құжат;
Белгіленген нысандағы сенімхат (3-қосымша); мөр болмаған жағдайда — нотариалды расталады.
4. Жеке тұлға – резидент емес:
Өтініш (1-қосымша нысаны);
Жеке басын куәландыратын құжат;
Қазақстан Республикасында тіркелуді растайтын ЖСН көрсетілген құжат (ҚР «Жеке сәйкестендіру нөмірлерінің ұлттық тізілімдері туралы» Заңының 9-бабына сәйкес);
Өкіл арқылы өтініш берген жағдайда — нотариалды расталған сенімхат;
Барлық құжаттардың қазақ немесе орыс тіліне нотариалды куәландырылған аудармасы.
5. Заңды тұлға – резидент емес:
Өтініш (2-қосымша нысаны);
Өкілдің жеке басын куәландыратын құжат;
ЖСН көрсетілген құжат (ҚР «Жеке сәйкестендіру нөмірлерінің ұлттық тізілімдері туралы» Заңының 9-бабына сәйкес);
Сенімхат (мөр болмаған жағдайда — нотариалды куәландырылады); | 