kyzylorda-social
Қайтарымсыз грант (400 АЕК) алу мүмкіндігі жайлы білгім келеді?
Тұрғылықты жеріңіз бойынша Мансап орталығына жолығуды немесе www.enbek.kz сайты арқылы лайықты жұмыс орындарын қарауғады ұсынады
Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 30 маусымдағы
№ 272 бұйрығымен бекітілген «Кәсіпкерлік бастамаға жәрдемдесу жөніндегі шараларды ұйымдастыру және қаржыландыру қағидаларына» (бұдан әрі-Қағидалар) сәйкес беріледі.
Бұл ретте, грант алуға үміткер азаматтар өтініш беру үшін қағаз тасығыштағы құжаттар ұсынбайды, яғни өтініш беру автоматтандырылған түрде business.enbek.kz порталы арқылы ғана жүзеге асырылады.
Гранттар не үшін беріледі?
Мемлекеттік грант - бұл жаңа бизнесті бастау және дамыту үшін қайтарымсыз негізде берілетін 400 еселенген айлық есептік көрсеткіш мөлшеріндегі бастапқы капитал.
Грант қаражаты ісін жаңа бастаған жекелеген әлеуметтік санаттарға жататын азаматтарға өз бизнес әлеуетін іске асыруға, өндірісті жолға қоюға және дамытуға, сол арқылы өзін тұрақты табыспен қамтамасыз етуге мүмкіндік береді.
Гранттар келесі бағыттарда қолдану үшін беріледі: қажетті мүкәммалды, еңбек құралдарын, технологиялық жабдықты, жануарларды, малдарды, құстарды, көшеттерді, бұталарды, тұқымдарды, көшеттерді сатып алу, үй-жайларды жалға алу ақысын төлеу.
Гранттар тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге берілмейді.
Гранттар алудың негізгі шарттары
Грант алушы тиіс:
1.Жұмыспен қамтудың мынадай санаттарының біріне жату:
1)Тіркелген жұмыссыздар; 2)Жеке кәсіпкерлер (3 жылға дейін);
2.Келесі әлеуметтік санаттардың біріне жату:
1)Көп балалы тұлғалар-көп балалы жәрдемақы алушылар (жұбайы, зайыбы);
2)Қоныс аударушылар және олардың еңбекке қабілетті отбасы мүшелері
3)Мүгедектігі бар баланы тәрбиелеуші жәрдемақы алатын адамдар (жұбайы, зайыбы);
4)Атаулы әлеуметтік көмек алушы аз қамтылған адамдар және олардың отбасы мүшелері;
5) Асыраушысынан айрылу жағдайы бойынша әлеуметтік жәрдемақы алушылар;
6)Кандас қолданыстағы мәртебесі бар адамдар;
7)Мүгедектігі бар адамдар (жұмысқа жарамдылығын растау);
3.«Бастау Бизнес» жобасы бойынша кәсіпкерлік негіздеріне оқыту туралы сертификатының болуы;
4.Мәртебесін тексеру сәтінде ерікті түрде қоныс аударуға қатысушылардан басқа (оңтүстіктен солтүстікке қарай)жұмыспен қамтуға жәрдемдесудің белсенді шараларына қатысушы болып табылмау.
Грант алу кезеңдері
1. Тіркелу - Грантқа өтініш беру үшін Сізге business.enbek.kz порталында тіркелу қажет, Электрондық мекенжайды немесе ұялы телефон нөмірін пайдаланып тіркелу мүмкіндігі бар;
2.Мәртебені тексеру - Жаңа бизнес-идеяларды іске асыруға гранттар беру азаматтардың бекітілген санаттары үшін жүзеге асырылады. Грантқа үміткер болу үшін Сізге пайдаланушының жеке кабинетіндегі «Мәртебені тексеру» бөлімінде шара көрсету шарттарына сәйкестігіне тексеруден сәтті өту қажет.
3. Бизнес-жоспар - бұл бизнесті құрудан бастап нақты мақсаттарға жетуге дейінгі нұсқаулық. Ол неғұрлым жақсы пысықталған және ағымдағы жағдайларға бейімделген болса, оны іске асыру және грант түрінде қаржылық қолдау алу мүмкіндігі соғұрлым жоғары болады.
4. Өтініш - Сіз мемлекеттік грантты алуға жолданған онлайн-өтініш негізінде ғана үміткер бола аласыз. Грантқа өтініш беру мүмкіндігі грант беру шарттарына сәйкестіктен сәтті өткеннен кейін және бизнес-жоспар үлгісін толтырғаннан кейін ашылады. Өтініште Сіздің бизнес-жоспарыңыздағы жобаның сипаттамасына сәйкес келетін ақпаратты көрсету қажет.
5.Комиссия туралы хабарландыру- Өтініш сәтті берілгеннен кейін Сіздің жеке кабинетіңізге , сондай-ақ тіркеу кезінде көрсетілген ұялы нөміріңізге SMS-хабарлама келеді, онда комиссия отырысының өту күні, уақыты мен орны көрсетіледі.
Өз бизнес-жобаңызды таныстыру үшін Сізге көрсетілген күні азаматтардың мемлекеттік грант беру туралы өтініштерін қарау жөніндегі комиссияның отырысына келу қажет.
6. Жобаны таныстыру - Мемлекеттік грант беру немесе беруден бас тарту туралы шешімді азаматтың өтініші және оның өтінішке қоса берілген бизнес-жоспары негізінде комиссия ғана қабылдайды.
7. Деректемелерді ұсыну.(грант жеңімпазы болғаннан кейін)
8. Шартқа қол қою, Грант қаражатын алу, Қаражатты мақсатты пайдалану туралы есептер (Грант беру туралы шартқа қол қойылған сәттен бастап Сіз және Еңбек мобильділігі орталығы арасында шарттық міндеттемелер басталады, оған сәйкес Сіз 1 күнтізбелік жыл ішінде грант қаражатының мақсатты пайдаланылуы туралы тоқсан сайынғы есептерді ұсынып отыруыңыз тиіс. Барлығы 4 есеп.)
Мүгедектігі бар адамдарға мемлекет тарапынан оңалту құралдарын қалай алуға болады?
Оңалтудың жеке бағдарламасына сәйкес жүргізіледі. Тұрғылықты жері бойынша емханадағы дәрігерлердің кеңес беру комиссиясының қорытындысы негізінде аумақтық орган «Халықты әлеуметтік қорғау саласындағы реттеу және бақылау комитетінің Қызылорда облысы бойынша департаментіне» медициналық-әлеуметтік сараптама бөлімі арқылы (МӘСК) оңалтудың жеке бағдарламасын әзірлеу үшін жүгінеді.
Арнаулы әлеуметтік қызмет көрсететін стационарлық ұйымға қандай санаттағы адамдар кезектен тыс қабылданады?
- Он сегіз жасқа толған және стационарлық үлгідегі ұйымдарда тұратын жетім балалар мен ата-анасының қамқорлығынсыз қалған балалар қарттарға, мүгедектігі бар адамдарға және (немесе) он сегіз жастан асқан адамдарға арнаулы әлеуметтік қызметтер көрсететін стационарлық үлгідегі ұйымдарға кезектен тыс қабылданады. - Ұлы Отан соғысының ардагерлері, басқа мемлекеттердiң аумағындағы ұрыс қимылдарының ардагерлері, сондай-ақ жеңiлдiктер бойынша Ұлы Отан соғысының ардагерлері, «Ардагерлер туралы» Заңның 8-бабының 1) тармақшасында санамаланған қаза тапқан әскери қызметшілердің отбасыларына арнаулы әлеуметтік қызметтер стационарлық үлгідегі ұйымдарда бірінші кезекте беріледі.
ҚАРТТАР ҮЙІНДЕГІ АРНАУЛЫ ӘЛЕУМЕТТІК ҚЫЗМЕТТЕРДІ КІМ АЛУҒА ҚҰҚЫЛЫ?
Қарт адамдарға арнаулы әлеуметтік қызмет көрсететін ұйым -Мүгедектігі бар және қарт адамдарға арнаулы әлеуметтік қызметтер көрсету орталығы болып табылады, бұл қызметтерді: - жеке оңалту және оңалту бағдарламасына (ЖООБ) сәйкес бірінші және екінші топтағы мүгедектігі бар адамдар (мүгедектігі бар адамдар); - жасына байланысты өз бетінше күтім жасауға қабілетсіз адамдар (қарттар) ала алады.
Жұмыс беруші мансап орталығымен шарт негізінде жұмыссыздарды жұмысқа орналастыру үшiн олардың жалақысын субсидиялау арқылы құратын жұмыс орындары. Кімдер қатыса алады?
- Жұмыс беруші мансап орталығымен шарт негізінде жұмыссыздарды жұмысқа орналастыру үшiн олардың жалақысын субсидиялау арқылы құратын жұмыс орындары. Кімдер қатыса алады? - 16 жастан бастап Әлеуметтік кодекстің 207-бабының 1-тармағымен белгіленген зейнеткерлік жасқа толғанға дейінгі жұмыссыз ретінде тіркелген, бір кәсіпті игергенін растайтын құжаты (Диплом, куәлікнемесе қандай да бір дағды/ кәсіп бойынша сертификат) бар адамдар қатыса алады. Қатысу ұзақтығы 12 айға дейін.
Атаулы әлеуметтік көмек алуға кім құқылы?
- 1. Атаулы әлеуметтік көмек жан басына шаққандағы табысы кедейлік шегінен аспайтын Қазақстан Республикасының азаматтарына, қандастарға, босқындарға, Қазақстан Республикасында тұрақты тұратын шетелдіктер мен азаматтығы жоқ адамдарға көрсетіледі. 2. Адамдардың (отбасылардың) атаулы әлеуметтік көмекке шартсыз ақшалай көмек немесе шартты ақшалай көмек түрінде құқығы бар. 3. Қазақстан Республикасы бойынша кедейлік шегінің мөлшерін уәкілетті мемлекеттік орган статистика саласындағы мемлекеттік орган есептейтін халықтың орташа табысы негізінде мемлекеттің экономикалық мүмкіндіктеріне байланысты пайыздық мәнде халықтың жан басына шаққанда орташа есеппен айқындайды. 4. Облыстар, республикалық маңызы бар қалалар, астана бойынша кедейлік шегін тоқсан сайын жергілікті атқарушы органдар уәкілетті мемлекеттік орган айқындаған кедейлік шегінің мөлшері негізінде есептейді.
Атаулы әлеуметтік көмек отбасының барлық мүшелеріне тағайындалады ма?
- Атаулы әлеуметтік көмек оны алуға құқығы бар отбасының әрбір мүшесіне тағайындалады. Атаулы әлеуметтік көмек көрсету үшін отбасының құрамына некеден (ерлі-зайыптылықтан), туыстықтан, жекжаттықтан, бала асырап алудан немесе балаларды тәрбиелеуге қабылдаудың өзге де нысанынан туындайтын мүліктік және жеке мүліктік емес құқықтар мен міндеттермен байланысты бірге тұратын отбасы мүшелері, сондай-ақ іс жүзінде бірге тұратын, бірақ некеде тұрмайтын бірге тұратын адамдар кіреді, орналасқан адамдарды қоспағанда: 1) толық мемлекеттік қамтамасыз етуде; 2) мерзімді әскери қызметте; 3)бас бостандығынан айыру орындарында, мәжбүрлеп емдеуде. Бірге тұру фактісі талап етілмейді: 1) еңбек қызметін отбасының тұрғылықты жерінен тыс жерде жүзеге асыратын адамдарға немесе отбасы мүшелеріне; 2) отбасында тұратын және отбасының тұрғылықты жері бойынша осындай деңгейдегі білім беру ұйымдарының болмауына байланысты орта білім беру ұйымдарында оқу орны бойынша басқа елді мекенде тіркелген балаларға; 3) Қазақстан Республикасының техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша оқитын интернаттық ұйымдарда оқитын балаларға, олар он сегіз жасқа толғаннан кейін білім беру ұйымдарын бітірген уақытқа дейін (бірақ жиырма үш жасқа толғанға дейін).
Қысқа мерзімді кәсіптік оқыту
- Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 22 маусымдағы № 231 бұйрығына сәйкес «Атамекен» ҰКП тізіліміне енген жұмыс берушілердің өтінімі бойынша білім беру ұйымында және жұмыс берушілердің жұмыс орнында қысқа мерзімді кәсіптік оқыту оқытылады. Оқытуды ұйымдастыру үшін skills.enbek.kz онлайн режимде кәсіптік оқыту платформасы жұмыс істейді. Оған кімдер қатыса алады? - Кәсіптік оқыту мансап орталықтарында немесе Электрондық еңбек биржасы арқылы тіркелгендер қатарындағы жұмыссыздар үшін жүзеге асырылады. Қатысу ұзақтығы 1 ай мен 6 ай аралығы. Оқу аяқталғаннан кейін қорытынды тестілеу өткізіледі. Сұрақтардың жалпы санынан 70 (жетпіс) пайыздан астам дұрыс жауап алған білім алушыға платформада курстың атауы және осы Қағидаларға 13-қосымшаға сәйкес нысан бойынша бірегей нөмір беріле отырып, оқуды аяқтау туралы электрондық сертификат беріледі.
Мүгедектігі бар адамдарға жөргек қалай алуға болады?
Мүгедектігі бар адамдарға жөргек алу үшін бірінші медициналық әлеуметтік сараптама комиссиясынан өту керек, кейін оңалтудың жеке бағдарламасында жөргек тағайындалу арқылы жүзеге асырылады. Қазақстан Республикасы Премьер-Министрінің орынбасары - Еңбек және халықты әлеуметтік қорғау министрі 2023 жылғы 30 маусымдағы № 287 Бұйрығына сәйкес мүгедектігі бар адамды абилитациялаудың және оңалтудың жеке бағдарламасына сәйкес мүгедектігі бар адамдарды протездік-ортопедиялық көмекпен, техникалық көмекші (компенсаторлық) құралдармен, арнаулы жүріп-тұру құралдарымен, оларды ауыстыру мерзімдерін қоса алғанда, қамтамасыз ету қағидалары бойынша: 1) «Азаматтарға арналған үкімет» мемлекеттік корпорациясы» коммерциялық емес акционерлік қоғам (бұдан әрі – Мемлекеттік корпорация); 2) Астана, Алматы және Шымкент қалаларының (бұдан әрі – қалалық басқармалар), аудандардың және облыстық маңызы бар қалалардың жергілікті атқарушы органдар (бұдан әрі – ЖАО) (бұдан әрі – жұмыспен қамту бөлімдері); 3) «электрондық үкімет» веб-порталы (бұдан әрі – веб-портал); 4) ұялы байланыс абоненттік құрылғысы (бұдан әрі – абоненттік құрылғысы) арқылы өтініш білдіре аласыз.
