atyrau-digital
"Астана Хаб" халықаралық технологиялық паркі қандай қызмет атқарады?
"Астана Хаб" халықаралық технологиялық паркі өз қызметін Қазақстан Республикасының заңнамасына сәйкес жүзеге асырады. "Астана Хаб" халықаралық технологиялық паркінің функцияларына мыналар жатады:
1) "Астана Хаб" халықаралық технологиялық паркіне қатысушыларға акселерациялау, технологиялық бизнес-инкубациялау қызметтерін көрсету;
2) "Астана Хаб" халықаралық технологиялық паркіне қатысушылар үшін маркетингтік және өзге де іс-шаралар өткізу бойынша қызметтер көрсету;
3) "Астана Хаб" халықаралық технологиялық паркіне қатысушылардың дамуын ынталандыру үшін консультациялық, ақпараттық, талдамалық, білім беру іс-шараларын өткізу бойынша қызметтер көрсету;
4) "Астана Хаб" халықаралық технологиялық паркіне қатысушылардың дамуын ынталандыру үшін ақпараттық, білім беру және қаржылық ресурстарды тарту мақсатында халықаралық ұйымдармен, шетелдік әріптестермен ынтымақтастық жасау, халықаралық тәжірибені зерделеу және білім алмасу;
Ақпараттық қауіпсіздік бойынша алғашқы шаралар қандай ?
Ақпараттық қауіпсіздік шараларын сақтау үшін келесі қадамдарды орындау қажет: - Құпия сөздер мен аутентификацияны күшейту (құпия сөздерді күрделі жасау, екі факторлы аутентификация қолдану). - Антивирус бағдарламаларын орнату және жаңарту. - Wi-Fi мен желілерді қорғау (құпия сөзбен қорғалған Wi-Fi, VPN қолдану). - Жүйе мен бағдарламаларды үнемі жаңарту. - Деректерді шифрлау. - Резервтік көшірмелер жасау.
Ақпараттық қауіпсіздік дегеніміз не?
Ақпараттық қауіпсіздік — бұл ақпаратты қорғау, оның тұтастығын, құпиялылығын және қолжетімділігін қамтамасыз ету мақсатында қолданылатын шаралар мен принциптердің жиынтығы. Ақпараттық қауіпсіздік компьютерлік жүйелерде, желілерде және түрлі құрылғыларда сақталатын ақпаратты қорғауды қамтамасыз етеді. Ақпараттық қауіпсіздіктің негізгі аспектілері мыналар: Құпиялылық — ақпараттың тек рұқсат етілген тұлғаларға ғана қолжетімді болуы. Тұтастық — ақпараттың өзгеріссіз, бұрмаланбай сақталуы. Қолжетімділік — ақпаратқа рұқсат етілген уақытта және дұрыс жолмен қол жеткізу мүмкіндігі. Ақпараттық қауіпсіздікті қамтамасыз ету үшін түрлі әдістер мен құралдар қолданылады, оның ішінде криптография, антивирустық бағдарламалар, желілік қауіпсіздік, және т.б.
Істер номенклатурасын жасау кезінде қандай құжаттар басшылыққа алынады?
Істер номенклатурасын жасау кезінде құрылтай құжаттары, құрылымдық бөлімшелер туралы ережелер, қызметкерлердің лауазымдық нұсқаулықтары, сақтау мерзімдері көрсетілген құжаттардың үлгілік, салалық (ведомстволық) тізбелері, істердің үлгілік (үлгілік) номенклатуралары, құрылымы (штат кестесі), жұмыс туралы жоспарлар мен есептер басшылыққа алынады, қызметте жасалатын құжаттардың түрлері, ұйымдардың құрамы мен мазмұны зерделенеді.
Жеке тектік құжат дегеніміз не?
Жеке тектік құжаттар – бұл жеке азаматтың, отбасының, рудың өмірі мен қызметі барысында қалыптасатын құжаттар. Олардың үлкен тарихи, ғылыми, әлеуметтік, экономикалық, саяси және мәдени маңызы бар және тарихи-мәдени мұраның құрамдас бөлігі болып табылады.
Үшінші тұлға сұраныс берген жағдайда, қандай құжат талап етіледі?
Сенімхат немесе туыстығын растайтын құжат талап етіледі.
«Архивтік анықтамалар, архивтік құжаттардың көшірмелерін немесе архивтік үзінділер беру» мемлекеттік көрсетілетін қызметіне өтінішті қандай жолдармен беруге болады?
Өтініш берудің жолдары: 1) «Азаматтарға арналған үкімет» мемлекеттік коорпорациясы» КЕАҚ арқылы; 2) «Электрондық үкіметтің» www.egov.kz веб-порталы арқылы; 3) Көрсетілетін қызметті берушінің кеңсесі арқылы беруге болады. .
"Қолжетімді интернет" ұлттық жобасы бойынша қандай жұмыстар жүргізілуде?
«Қолжетімді интернет» ұлттық жобасы аясында 38 ауылдық елді мекенге талшықты оптикалық интернет желісін жүргізу және облыс бойынша облыстық және республикалық маңызы бар жолдарды үздіксіз байланыспен қамтамасыз ету жоспарланған. Ұлттық жобаны іске асыру жөніндегі іс-қимыл жоспарының 9-шы іс-шарасында Республикалық және негізгі облыстық автомобиль жолдарын мобильді кең жолақты интернетпен қамту үшін цифрлық инфрақұрылым салу (Талшықты-оптикалық байланыс желілерін жүргізу, Антенналық-діңгектік құрылым (бұдан әрі-АДҚ ) және трансмиссиялар орнату, электр энергиясын жеткізу) көзделген. Аталған іс-шараны орындау мақсатында, Атырау облысы Цифрландыру және архивтер басқармасы, “КСЕЛЛ” АҚ және аудан әкімдіктерінің мамандары бірлесіп, республикалық автомобиль жолдарында АДҚ (Антенналық-діңгектік құрылым) қондырылатын орындарын (ҚР Цифрлық даму, инновациялар және аэроғарыш өнеркәсібі министрлігімен белгіленді) қосымша зерделеп, нақтылау жұмыстарын жүргізді. Бүгінгі таңда белгіленген орындар бос және басқа желілермен және объектілермен қабаттаспайды, АДҚ орнату орындарын өз меншігіне тіркей отырып, ТОБЖ (талшықты-оптикалық байланыс желісі) және электр энергиясын қосуға техникалық шарттар алынды. Жұмысты жеделдету мақсатында 5 АДҚ құрылыстарына жобалау-сметалық құжаттамасын әзірлеу жұмыстары бойынша демеуші компаниямен меморандум жасақталды. Қазіргі таңда 5 антенна-діңгек құрылысына жобалау-сметалық құжаттама жасақталып, барлық 5 антенна-діңгек құрылысына сараптама нәтижесінде оң қорытынды алынды.
5G базалық станцияларын орнату бойынша қандай жұмыстар жүргізілуде?
Қазіргі таңда Атырау қаласында халық көп шоғырланатын жерлерде 5G технологиясы бойынша интернетке қолжетімділікті қамтамасыз ететін 108 базалық станция бар. Құлсары қаласында 5G технологиясы бойынша 6 базалық станция бар.
