kyzylorda-social
Инватакси қызметі қалай жұмыс істейді?
. Көлік қызметіне тапсырыс бергеннен кейін, ұйым нақты келу уақытын хабарлайды;
· Арнайы көлікте көтергіш құрылғы мен қауіпсіздік құралдары болуы тиіс;
· Жүргізуші жолаушыға көмектесуге дайын болуы керек (мысалы, көлікке міну кезінде).
Қызметті пайдалану үшін ақы төлеу керек пе?
Инватакси қызметі әдетте тегін ұсынылады, себебі бұл – әлеуметтік қолдау шараларының бірі. Алайда, кей өңірлерде белгілі бір шарттар немесе шектеулер болуы мүмкін. Нақты ақпаратты жергілікті әлеуметтік қорғау мекемесінен білуге болады.
Қызмет сапасына байланысты ұсыныс немесе шағым білдіруге бола ма?
Ұсыныстар мен шағымдарды қызмет көрсетуші ұйымға жазбаша немесе ауызша түрде білдіруге болады;
· Қажет болған жағдайда жергілікті әлеуметтік қорғау бөлімшесіне хабарласуға болады.
Инватакси қызметі дегеніміз– бұл мүгедектігі бар адамдарға немесе қозғалыс мүмкіндігі шектеулі азаматтарға арналған арнайы бейімделген көлік қызметі. Бұл такси түрі арнайы көтергіш құрылғылармен, жайлы орындармен және қажет болған жағдайда жүргізушінің көмегімен қамтамасыз етіледі.
Инватакси қызметін келесі азаматтар пайдалана алады:
· I немесе II топтағы мүгедектігі бар тұлғалар;
· Қозғалысы шектеулі, арнайы көлік қажет ететін мүгедектер;
· Мүгедек бала тәрбиелеп отырған ата-аналар немесе қамқоршылар (балаға еріп жүретін тұлға ретінде).
Инватакси қызметін қызметті алу үшін келесі қадамдарды орындау қажет:
1. Қызмет ұсынатын ұйымды анықтау
Өз қалаңыздағы немесе аудандық әлеуметтік қорғау бөлімінен инватакси қызметін ұсынатын ұйымның байланыс мәліметтерін алу қажет.
2. Өтініш беру
Қызметке жазылу үшін мүгедектік туралы куәлік немесе медициналық комиссияның қорытындысын негізге ала отырып өтініш беру керек.
3. Өтінішті беру тәсілдері:
· Ұйымның кеңсесіне барып тікелей;
· Телефон арқылы;
· Ұйымның ресми сайты немесе электрондық пошта арқылы.
Инватакси қызметіне тапсырыс беру кезінде келесі ақпаратты нақты көрсету қажет:
· - жол жүру бағыты (қайдан – қайда);
· - сапар уақыты мен күні;
· - жолаушылар саны;
· - мүгедектер арбасымен бар-жоғын көрсету;
- еріп жүретін тұлға (бар болса) туралы мәлімет.
Мүгедектігі бар адамдарға мемлекет тарапынан оңалту құралдарын қалай алуға болады?
Оңалтудың жеке бағдарламасына сәйкес жүргізіледі. Тұрғылықты жері бойынша емханадағы дәрігерлердің кеңес беру комиссиясының қорытындысы негізінде аумақтық орган «Халықты әлеуметтік қорғау саласындағы реттеу және бақылау комитетінің Қызылорда облысы бойынша департаментіне» медициналық-әлеуметтік сараптама бөлімі арқылы (МӘСК) оңалтудың жеке бағдарламасын әзірлеу үшін жүгінеді.
Арнаулы әлеуметтік қызмет көрсететін стационарлық ұйымға қандай санаттағы адамдар кезектен тыс қабылданады?
- Он сегіз жасқа толған және стационарлық үлгідегі ұйымдарда тұратын жетім балалар мен ата-анасының қамқорлығынсыз қалған балалар қарттарға, мүгедектігі бар адамдарға және (немесе) он сегіз жастан асқан адамдарға арнаулы әлеуметтік қызметтер көрсететін стационарлық үлгідегі ұйымдарға кезектен тыс қабылданады. - Ұлы Отан соғысының ардагерлері, басқа мемлекеттердiң аумағындағы ұрыс қимылдарының ардагерлері, сондай-ақ жеңiлдiктер бойынша Ұлы Отан соғысының ардагерлері, «Ардагерлер туралы» Заңның 8-бабының 1) тармақшасында санамаланған қаза тапқан әскери қызметшілердің отбасыларына арнаулы әлеуметтік қызметтер стационарлық үлгідегі ұйымдарда бірінші кезекте беріледі.
ҚАРТТАР ҮЙІНДЕГІ АРНАУЛЫ ӘЛЕУМЕТТІК ҚЫЗМЕТТЕРДІ КІМ АЛУҒА ҚҰҚЫЛЫ?
Қарт адамдарға арнаулы әлеуметтік қызмет көрсететін ұйым -Мүгедектігі бар және қарт адамдарға арнаулы әлеуметтік қызметтер көрсету орталығы болып табылады, бұл қызметтерді: - жеке оңалту және оңалту бағдарламасына (ЖООБ) сәйкес бірінші және екінші топтағы мүгедектігі бар адамдар (мүгедектігі бар адамдар); - жасына байланысты өз бетінше күтім жасауға қабілетсіз адамдар (қарттар) ала алады.
Жұмыс беруші мансап орталығымен шарт негізінде жұмыссыздарды жұмысқа орналастыру үшiн олардың жалақысын субсидиялау арқылы құратын жұмыс орындары. Кімдер қатыса алады?
- Жұмыс беруші мансап орталығымен шарт негізінде жұмыссыздарды жұмысқа орналастыру үшiн олардың жалақысын субсидиялау арқылы құратын жұмыс орындары. Кімдер қатыса алады? - 16 жастан бастап Әлеуметтік кодекстің 207-бабының 1-тармағымен белгіленген зейнеткерлік жасқа толғанға дейінгі жұмыссыз ретінде тіркелген, бір кәсіпті игергенін растайтын құжаты (Диплом, куәлікнемесе қандай да бір дағды/ кәсіп бойынша сертификат) бар адамдар қатыса алады. Қатысу ұзақтығы 12 айға дейін.
Атаулы әлеуметтік көмек алуға кім құқылы?
- 1. Атаулы әлеуметтік көмек жан басына шаққандағы табысы кедейлік шегінен аспайтын Қазақстан Республикасының азаматтарына, қандастарға, босқындарға, Қазақстан Республикасында тұрақты тұратын шетелдіктер мен азаматтығы жоқ адамдарға көрсетіледі. 2. Адамдардың (отбасылардың) атаулы әлеуметтік көмекке шартсыз ақшалай көмек немесе шартты ақшалай көмек түрінде құқығы бар. 3. Қазақстан Республикасы бойынша кедейлік шегінің мөлшерін уәкілетті мемлекеттік орган статистика саласындағы мемлекеттік орган есептейтін халықтың орташа табысы негізінде мемлекеттің экономикалық мүмкіндіктеріне байланысты пайыздық мәнде халықтың жан басына шаққанда орташа есеппен айқындайды. 4. Облыстар, республикалық маңызы бар қалалар, астана бойынша кедейлік шегін тоқсан сайын жергілікті атқарушы органдар уәкілетті мемлекеттік орган айқындаған кедейлік шегінің мөлшері негізінде есептейді.
Атаулы әлеуметтік көмек отбасының барлық мүшелеріне тағайындалады ма?
- Атаулы әлеуметтік көмек оны алуға құқығы бар отбасының әрбір мүшесіне тағайындалады. Атаулы әлеуметтік көмек көрсету үшін отбасының құрамына некеден (ерлі-зайыптылықтан), туыстықтан, жекжаттықтан, бала асырап алудан немесе балаларды тәрбиелеуге қабылдаудың өзге де нысанынан туындайтын мүліктік және жеке мүліктік емес құқықтар мен міндеттермен байланысты бірге тұратын отбасы мүшелері, сондай-ақ іс жүзінде бірге тұратын, бірақ некеде тұрмайтын бірге тұратын адамдар кіреді, орналасқан адамдарды қоспағанда: 1) толық мемлекеттік қамтамасыз етуде; 2) мерзімді әскери қызметте; 3)бас бостандығынан айыру орындарында, мәжбүрлеп емдеуде. Бірге тұру фактісі талап етілмейді: 1) еңбек қызметін отбасының тұрғылықты жерінен тыс жерде жүзеге асыратын адамдарға немесе отбасы мүшелеріне; 2) отбасында тұратын және отбасының тұрғылықты жері бойынша осындай деңгейдегі білім беру ұйымдарының болмауына байланысты орта білім беру ұйымдарында оқу орны бойынша басқа елді мекенде тіркелген балаларға; 3) Қазақстан Республикасының техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша оқитын интернаттық ұйымдарда оқитын балаларға, олар он сегіз жасқа толғаннан кейін білім беру ұйымдарын бітірген уақытқа дейін (бірақ жиырма үш жасқа толғанға дейін).
Қысқа мерзімді кәсіптік оқыту
- Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 22 маусымдағы № 231 бұйрығына сәйкес «Атамекен» ҰКП тізіліміне енген жұмыс берушілердің өтінімі бойынша білім беру ұйымында және жұмыс берушілердің жұмыс орнында қысқа мерзімді кәсіптік оқыту оқытылады. Оқытуды ұйымдастыру үшін skills.enbek.kz онлайн режимде кәсіптік оқыту платформасы жұмыс істейді. Оған кімдер қатыса алады? - Кәсіптік оқыту мансап орталықтарында немесе Электрондық еңбек биржасы арқылы тіркелгендер қатарындағы жұмыссыздар үшін жүзеге асырылады. Қатысу ұзақтығы 1 ай мен 6 ай аралығы. Оқу аяқталғаннан кейін қорытынды тестілеу өткізіледі. Сұрақтардың жалпы санынан 70 (жетпіс) пайыздан астам дұрыс жауап алған білім алушыға платформада курстың атауы және осы Қағидаларға 13-қосымшаға сәйкес нысан бойынша бірегей нөмір беріле отырып, оқуды аяқтау туралы электрондық сертификат беріледі.
Мүгедектігі бар адамдарға жөргек қалай алуға болады?
Мүгедектігі бар адамдарға жөргек алу үшін бірінші медициналық әлеуметтік сараптама комиссиясынан өту керек, кейін оңалтудың жеке бағдарламасында жөргек тағайындалу арқылы жүзеге асырылады. Қазақстан Республикасы Премьер-Министрінің орынбасары - Еңбек және халықты әлеуметтік қорғау министрі 2023 жылғы 30 маусымдағы № 287 Бұйрығына сәйкес мүгедектігі бар адамды абилитациялаудың және оңалтудың жеке бағдарламасына сәйкес мүгедектігі бар адамдарды протездік-ортопедиялық көмекпен, техникалық көмекші (компенсаторлық) құралдармен, арнаулы жүріп-тұру құралдарымен, оларды ауыстыру мерзімдерін қоса алғанда, қамтамасыз ету қағидалары бойынша: 1) «Азаматтарға арналған үкімет» мемлекеттік корпорациясы» коммерциялық емес акционерлік қоғам (бұдан әрі – Мемлекеттік корпорация); 2) Астана, Алматы және Шымкент қалаларының (бұдан әрі – қалалық басқармалар), аудандардың және облыстық маңызы бар қалалардың жергілікті атқарушы органдар (бұдан әрі – ЖАО) (бұдан әрі – жұмыспен қамту бөлімдері); 3) «электрондық үкімет» веб-порталы (бұдан әрі – веб-портал); 4) ұялы байланыс абоненттік құрылғысы (бұдан әрі – абоненттік құрылғысы) арқылы өтініш білдіре аласыз.
