ile-karaoi
Қараой ауылында салынып жатқан 114 пәтер жайлы айта кетсеңіз.
Қараой ауылының Жаңақұрылыс аумағында 57 жер телімінде екі пәтерлі 114 тұрғын үйдің құрылысы қарқынды жүргізіліп жатыр. Құрылыстың негізгі мақсаты – ауылдағы тұрғын үй тапшылығын азайту және әлеуметтік санаттағы азаматтарды баспанамен қамтамасыз ету (СУСН).
Аталған тұрғын үйлер «Тұрғын үй кезегінде тұрған» азаматтарға, яғни әлеуметтік осал топтарға, көпбалалы отбасыларға, толық емес отбасыларға, мүгедектігі бар азаматтарға және мемлекеттік қызметшілерге заңда белгіленген кезек тәртібімен берілетін болады «Отбасы банк» арқылы.
Қазіргі уақытта инженерлік инфрақұрылым тарту, сыртқы және ішкі әрлеу жұмыстары кезең-кезеңімен атқарылуда. Құрылысты аяқтау және нысандарды пайдалануға беру 2026 жылға жоспарланған.
Әкімшілік ауылдың айнасы, тозығы жеткен әкімшілік ғимаратына жөндеу жұмыстары жүргізіледі ма?
Қараой ауылдық округі әкімінің ғимаратының жағдайы қанағаттанарлық емес, жобалық сметалық құжаттама әзірленді және 2026 жылға арналған бюджеттік өтінім берілді. Жөндеу жұмыстары бюджеттік қаражат бөлінген жағдайда жүзеге асырылады.
Тілендиев ауылындағы 3 аусымды мектептің мәселесін шешу үшін салынып жатқан «Жайлы мекпеп» қашан қолданысқа беріледі?
«Жайлы мектеп» жобасы аясында 900 орындық мектеп құрылысы қарқынды жүргізілуде. Қазіргі уақытта нысанның 80%-ы аяқталған. Құрылыстың негізгі жұмыстарын – құрылыс-монтаж, инженерлік желілерді тарту, ішкі және сыртқы әрлеу жұмыстары қамтиды. Мектептің құрылыс сапасы мен қауіпсіздігі бақылауда. Жоба заманауи білім беру стандарттарына сәйкес сынып бөлмелері, спорт және акт залдары, кітапхана, асхана және басқа да қажетті инфрақұрылымдарды қамтиды. Құрылысты аяқтау және мектептің пайдалануға берілуі жоспарланған мерзімде жүзеге асырылады.
Қосөзен ауылынан Алматы қаласына қатынайтын қоғамдық көліктің тозығы жеткен, жиі істен шығады. Сол автобустар қашан жаңартылады?
Қазіргі уақытта Алматы облысының автопаркінен қосымша 2 автобус бөлінді. Бүгінде аталған бағытта 5 қоғамдық көлік қызмет көрсетуде.
Қараой ауылының Алмалы және Мереке көшелеріне асфальт түседі ма?
2025 жылы Қараой ауылының 10 көшеге шұңқыр жамау жұмыстары жүргізілді. Алмалы және Мереке көшелеріне де ақау актісі әзірленіп, бюджеттік өтінім ұсынылды. 2026 жылы жоспарға енгізілді.
Қосөзен ауылының кіре беріс Орталық, Таугүл көшелеріне асфальт төселеді ма?
2025 жылы Қосөзен ауылының - 3 көшеге асфальт, 2 көшеге шұңқыр жамау жұмыстары жүргізілді. Кіре беріс Орталық, Таугүл көшелеріне асфальт төсеу жұмыстары да 2026 жылғы жоспарға енгізілді.
Тілендиев ауылының жаңақұрылысындағы орталық Ақниет, Бесмойнақ, Шығыс көшелеріне және ескі ауылдың Алматы көшесіне қашан асфальт төселеді?
Тілендиев ауылында 2025 жылы 4 көшеге асфальт төселді, 7 көшеге тас-құм төгілді. Жөндеуді қажет ететін көшелер бойынша 2025 жылдың IV тоқсанында Іле ауданының Жолаушылар көлігі және автомобиль жолдары бөліміне ақау актісі әзірленіп, бюджеттік өтінім ұсынылды. 2026 жылға аталған көшелерге асфальт төсеу жұмыстары жоспарға енгізілді.
Қосөзен ауылының жаңақұрылысындағы электр желілерінде жиі апатты жағдай туындайды, сол туралы айта кетсеңіз.
Жаңақұрылыс аумағындағы ұзындығы 15 км көшелерге (Жастар, Самал, Алтын Күн, Шымбұлақ, Ақжол, Қарасу) электр желілерін жаңарту және 2 трансформатор орнату бойынша жобалық-сметалық құжаттама әзірленуде. Мемлекеттік сараптамадан оң қорытынды алынған жағдайда, жұмыстар 2026 жылдың ІІ тоқсанында жүзеге асырылады.
Тілендиев ауылындағы зираттың санитарлық қорғау аймағына кіріп тұрған жер телімдері құжаттарын қашан рәсімдей алады?
Тілендиев ауылындағы зираттың санитарлық қорғау аймағын 300 метрден 100 метрге дейін қысқарту мәселесі бойынша Іле ауданының Сәулет және қала құрылысы бөлімі және Іле ауданының Жер қатынастары бөлімімен бірлесіп жұмыстар жүргізудеміз. Аталған мәселе «Сібір жарасы» өзгерістерімен бірге мәслихаттың қарауына ұсынылады. Мәслихат бекіткен жағдайда, ауыл тұрғындары өздерінің жер құжаттарын рәсімдей алатын болады
