Мемориалдық тақта қалай орнатылады?

Мемориалдық тақталарды орнатуға рұқсат беру мемлекеттік көрсетілетін қызмет түріне жатады. (Қазақстан Республикасы Мәдениет және спорт министрінің 2020 жылғы 26 мамырдағы № 149 бұйрығы).

Мемориалдық тақталар орнатуға өтініштер қағаз түрінде және электрондық үкіметтің веб-порталы (www.egov.kz) арқылы қабылданады.

Көрсетілетін қызмет түрі - тегін.

Мемориалдық тақта орнатуға төменде көрсетілген құжаттар жолдануы тиіс:

1) өтініш,

2) аса көрнекті тұлғаның сіңірген еңбегін және/немесе айрықша оқиғаның маңыздылығын, сондай-ақ аса көрнекті тұлғаның тұруын, жұмысын, болуын және мемориалдық тақта орнату болжанатын ғимаратта немесе құрылыста болған айрықша оқиғаны растайтын архивтік анықтама және/немесе архивтік құжаттың көшірмесі және/немесе архивтік үзінді және өзге құжаттар;

3) мемориалық тақтаның эскизі (материалы – мәрмәрдан, граниттен, металдан немесе басқа да материалдардан жасалады. Мемориалдық тақталар екі метрден төмен емес биіктікте орнатылады және 50 х 80 сантиметрден аспайтын көлемде жасалады);

4) тақта орнатылатын ғимараттың меншік иесінің жазбаша келісімі;

5) орнатылатын ғимарат республикалық және халықаралық маңыздағы тарих және мәдениет ескерткіші болып табылған жағдайда, уәкілетті органның келісімі.

Тарих және мәдениет ескерткіштерін қорғау жөніндегі комиссия өтініштің көрсетілетін қызметті алушыға мемориалдық тақтаны орнатуға рұқсат беруге келісу туралы немесе теріс шешім шығарады.