Бас мердігер ретінде жұмыс тәжірибесін растауды сұрайды?

ҚР «Қазақстан Республикасындағы сәулет, қала құрылысы және құрылыс қызметі туралы» Заңының 69-бабының 4-тармағына сәйкес, нысанды пайдалануға қабылдаған күннен бастап мердігер (құрылыс салушы) беретін заңды кепілдік мерзімі кемінде 2 жылды құрайды (егер шартта бұдан да ұзақ мерзім көрсетілмесе). Осы уақыт ішінде құрылыстан кеткен кез келген қателіктер мен ақауларды мердігер өз қаражаты есебінен жөндеуге міндетті.

ҚР Сәулет және құрылыс заңының 34 және 34-1 баптарына сәйкес, екі қадағалау да міндетті (жеке үйлерді қоспағанда). Авторлық қадағалауды жобаны жасаған сәулетші/жобалаушы жүргізеді, ол құрылыстың сызбаға (проектке) сәйкестігін тексереді. Техникалық қадағалауды арнайы аттестатталған сарапшы жүргізеді, ол материалдардың сапасын, жұмыс көлемін және қауіпсіздік ережелерін бақылайды.

ҚР Сәулет және құрылыс заңының 64-4-бабына сәйкес, техникалық жағынан күрделі нысандардың (көпқабатты үйлер, өндірістік ғимараттар, көпірлер және т.б.) жобалары міндетті түрде сараптамадан өтуі тиіс. Тек техникалық жағынан күрделі емес, уақытша немесе жеке тұрғын үйлер (2 қабатқа дейінгі) сараптамадан босатылуы мүмкін. Сараптама құнын жобаға тапсырыс беруші (инвестор немесе мемлекеттік орган) төлейді.

Иә, бұл міндетті талап. ҚР «Қазақстан Республикасындағы сәулет, қала құрылысы және құрылыс қызметі туралы» Заңының 68-бабының 12-тармағына сәйкес, тапсырыс беруші құрылыс-монтаждау жұмыстарының басталғаны туралы Мемлекеттік сәулет-құрылыс бақылауы басқармасына (МСҚБ / ГАСК) хабарлама жіберуге міндетті. Хабарлама электронды түрде egov.kz порталы арқылы жолданады. Хабарламасыз жұмысты бастау заңсыз болып саналады.

ҚР Сәулет және құрылыс заңының 11-тарауына (73, 74, 75-баптар) сәйкес, қазіргі уақытта нысанды пайдалануға қабылдауды тапсырыс беруші, мердігер, техникалық және авторлық қадағалаушылар өздері жүзеге асырады. Олар қабылдау актісіне қол қояды. Осыдан кейін бұл акт құрылыс, сәулет және қала құрылысы басқармасында міндетті түрде есепке алынуы (регистрация/учет) тиіс. Басқарма актіні 1 жұмыс күні ішінде тіркейді.

Авторлық қадағалау тікелей жобаны әзірлеген ұйым тарапынан жүзеге асырылады.

Жеке тұрғын үй құрылысының сапасына, жобалау құжаттамасына және құрылыс нормаларының сақталуына бірінші кезекте құрылыс салушы (меншік иесі) мен құрылыс компаниясы (мердігер) жауапты. Сондай-ақ, жобаны жасаушы жобаның сапасына, ал техникалық қадағалаушы құрылыс барысының талапқа сай болуына жауап береді. Негізгі жауапты тұлғалар мен органдар: Құрылыс салушы (тапсырыс беруші): Үйдің сапалы салынуын қадағалауға және қабылдап алуға тікелей жауапты. Мердігер (құрылыс компаниясы/бригада): Жұмысты жобаға және құрылыс нормаларына (СНиП) сәйкес орындауға жауапты. Техникалық қадағалау: Құрылыс процесін, материалдардың сапасын тексереді. Жобалаушы: Үйдің жобалық құжаттамасының сапасына жауапты.

Бүгінгі таңда, Қызылжарма ауылының бас жоспары демеушілік есебінен әзірленуде. Жалпы, бас жоспар – қаланы, кентті, ауылды не басқа да қонысты дамыту мен салуды кешенді жоспарлайтын негізігі құжат болып табылады. Әзірленіп жатқан бас жоспарға келісім алу үшін мемлекеттік органдардың қарауына ұсынылды. Тиісті келісімдер алынған кейін «Мемсараптама» РМК-ның қарауына ұсынылатын болады. «Мемсараптама» РМК-ның оң қорытындысы алынған кейін белгіленген тәртіп бойынша бекіту шаралары жүргізіледі.