kyzylorda-zhalagash
Жеке тұрғын үй құрылысын салу тәртібі қандай?
ЖЕКЕ ТҰРҒЫН ҮЙ ҚҰРЫЛЫСЫН САЛУҒА РҰҚСАТ АЛУ ТӘРТІБІ
Жалпы ақпарат
Жеке тұрғын үй құрылысын салу Қазақстан Республикасының қолданыстағы заңнамасына сәйкес жүзеге асырылады. Бұл процесс Қазақстан Республикасының Сәулет, қала құрылысы және құрылыс қызметі туралы заңымен реттеледі. Жеке тұрғын үй құрылысы (ЖТҮ) азаматтардың өзіне немесе отбасына арналған тұрғын үй салуы үшін берілген жер учаскесінде жүргізіледі.
1. Жер учаскесінің болуы
Жеке тұрғын үй құрылысын бастау үшін азаматтың жеке меншік немесе заңды түрде пайдалануға берілген жер учаскесі болуы тиіс. Жер учаскесінің нысаналы мақсаты жеке тұрғын үй құрылысы үшін арналуы қажет.
2. Сәулет-жоспарлау тапсырмасын (СЖТ) алу
Сәулет-жоспарлау тапсырмасын алу құрылыс жұмыстарын бастамас бұрын жергілікті атқарушы органның сәулет және қала құрылысы бөліміне жүгініп, сәулет-жоспарлау тапсырмасын (СЖТ) алу қажет. Ол үшін e.license электронды лицензиялау порталы арқылы өтініш беріледі.
3. Эскиздік жобаны дайындау
Сәулет-жоспарлау тапсырмасын алғаннан кейін лицензиясы бар жобалау ұйымы арқылы тұрғын үйдің жобасы дайындалады. Жобада үйдің жалпы жоспары, қабат саны, инженерлік желілер және жер учаскесінде орналасу схемасы көрсетіледі.
4. Эскиздік жобаны келісу.
Дайындалған жоба жергілікті сәулет және қала құрылысы бөліміне е.license электронды лицензиялау порталы арқылы ұсынылады. Сәулет және қала құрылысы бөлімі жобаны қарап, эскиздік жобаны келіседі.
5. Құрылысты жүргізу.
Тиісті құрылыс жұмыстарын бастауға бастапқы құжаттарды алғаннан кейін құрылыс салуға рұқсат етіледі. Құрылыс жұмыстары бекітілген жобаға және құрылыс нормаларына сәйкес жүргізілуі тиіс.
6. Үйді пайдалануға беру
Құрылыс аяқталғаннан кейін тұрғын үй пайдалануға беріледі. Бұл үшін техникалық паспорт жасалып, тиісті қабылдау актісі рәсімделеді. Одан кейін тұрғын үй жылжымайтын мүлік ретінде мемлекеттік тіркеуден өтеді.
Қорытынды
Жеке тұрғын үй құрылысын салу үшін заң талаптарын сақтау өте маңызды. Құрылыс жұмыстарын белгіленген тәртіпке сәйкес жүргізу тұрғын үйді заңды түрде пайдалануға енгізуге мүмкіндік береді.
Мемлекеттік қызмет көрсету мерзімі қандай?
Қазақстан Республикасы Индустрия және инфрақұрылымдық даму министрінің 2020 жылғы 24 сәуірдегі № 233 бұйрығымен және Қазақстан Республикасы Индустрия және инфрақұрылымдық даму министрінің м.а. 2020 жылғы 13 сәуірдегі № 197 бұйрығымен бекітілген Мемлекеттік қызметтер көрсету қағидаларына сәйкес - мемлекеттік қызметтер көрсету мерзімдері-15 (он бес) жұмыс күні.
Баланың тууын қалай тіркеуге болады?
Баланың тууын мемлекеттік тіркеу үшін ата-аналар немесе басқа да мүдделі тұлғалар баланың туу күнінен бастап үш жұмыс күнінен кешіктірмей кез келген тіркеуші органға, кенттердің, ауылдардың, ауылдық округтердің әкімдеріне немесе Мемлекеттік корпорацияға өтініш берушінің қалауы бойынша жазбаша нысанда не портал арқылы электрондық түрде баланың тууын мемлекеттік тіркеу туралы өтініш береді. Тууды мемлекеттік тіркеу проактивті тәсілмен, оның ішінде көрсетілетін қызметті берушінің бастамасы бойынша көрсетілетін қызметті алушының өтінішінсіз көрсетілетін қызметті берушінің және мемлекеттік органдардың ақпараттық жүйелері арқылы көрсетілетін қызметті алушының ұялы байланысының абоненттік құрылғысының телефон нөмірін «электрондық үкімет» веб-порталында тіркеу кезінде көрсетілуі мүмкін www.egov.kz. Екі және одан да көп баланың тууын мемлекеттік тіркеу кезінде олардың әрқайсысына электронды түрде туу туралы медициналық куәліктер беріледі, олардың негізінде туу туралы бірінен соң бірі жеке жазбалар жасалады және балалардың туу туралы жеке куәліктері беріледі. Тууды мемлекеттік тіркеу тегін көрсетіледі.
Жасы бойынша зейнетақы тағайындау үшін құжаттарды қашан тапсыру керек?
Жасы бойынша зейнетақы тағайындау үшін құжаттарды зейнеткерлік жасқа жетуге дейін 10 күнтізбелік күн қалғанда тапсыру керек.
Бір аптадан/онкүндіктен/айдан кейін қолданылу мерзімі аяқталатын ЭЦҚ-ны қалай ұзартуға болады?
ЭЦҚ қолданылу мерзімін бір неше тәсілдермен ұзарта аласыз: - eGov mobile қосымшасында; - ҚР Ұлттық куәландырушы орталығының жеке кабинетінде(pki.gov.kz) толық нұсқаулық мұнда; - сондай-ақ сіз жақын жердегі ХҚКО жүгіне аласыз.
Шөп шабу үшін жер беру туралы
Қазақстан Республикасы Жер кодексі талаптарына байланысты ұзақ мерзімді пайдалануға берілген жердегі учаскелерін шөп шабу үшiн сұралған жер учаскелеріне алдын-ала таңдау жұмыстары жүргізіліп нәтижесі жер учаскелерін таңдау актісімен және жер учаскелерінің шекараларының жобасымен ресімделеді. Дайындалған құжаттар, аудандық жер комиссияның отырысында қаралып, сұралған жер учаскелеріне уақытша өтеусіз жер пайдалану құқығын табыстау мүмкіндігі бойынша хаттамалық шешімімен оң қорытынды қабылдану қажет.
Жер учаскесін жер қорының құрамын қайтару туралы.
Уақытша өтеулі жер пайдалану (жалдау) құқығымен табысталған жер учаскесін арнайы жер қорының құрамына енгізу туралы аудан әкімдігінің қаулысы қабылдау арқылы рәсімделеді.
Кепілде тұрған үйдің құжаттарын рәсімдеу мерзімін ұзарту?
Тұрғын үйдің техникалық құжаттарын жаңадан қайта рәсімдеуге (өзгертуге) аудан әкімдігі тарапынан келісім берілу тиіс. Бұл ретте, жаңадан жасалатын құжатты қайта рәсімдеп, тұрғын үй құжаттарының түпнұсқасын ауданының ауыл шаруашылығы мен жер қатынастары бөліміне тапсыруды және бұл жөнінде аудан әкімдігі мен «Отбасы банк» тұрғын үй құрылыс жинақ банкі АҚ-на хабардар ету сұралады.
Егер медициналық көмек көрсету кезінде денсаулыққа зиян келтірілсе, шағымды қайда жіберуге болады?
Медициналық қызметкерлердің кәсіби жауапкершілігін сақтандыру институтын енгізуге байланысты, сапасыз медициналық көмек алып, денсаулыққа және өмірге зиян келген жағдайда, өтініш берушілер алғашқы кезеңде медициналық көмек көрсеткен денсаулық сақтау субъектісіне шағымдана алады. Денсаулық сақтау субъектісінің науқастарды қолдау және ішкі сараптама қызметі (әрі қарай - Қызмет) 20 жұмыс күні ішінде шағымды қарастырып, егер медициналық көмек көрсету барысында бұзушылықтар анықталса, тәуелсіз сараптамалық комиссия (ТСК) құрады. ТСК денсаулық сақтау субъектісінің басшысының бұйрығымен әр мамандық бойынша кемінде 3 профильді маман мен сақтандыру ұйымының өкілінен, біріккен сақтандыру (қайта сақтандыру) пулына қатысушы ұйымның өкілінен құралады және Қызметтен шағым түскен күннен бастап 3 жұмыс күні ішінде құрылуы тиіс. ТСК медициналық қызмет көрсету нәтижесінде пациенттің өмірі мен денсаулығына зиян келтірілгенін (немесе келтірілмегенін) анықтап, қорытынды шығару үшін 5 жұмыс күні ішінде шешім қабылдайды, қажет болған жағдайда мерзімін 2 айға дейін ұзартуға болады. Егер денсаулыққа немесе өмірге зиян келтірілгені анықталса, сақтандыру төлемі төленеді.
