kyzylorda-zhalagash
Референдум бойынша жиі қойылатын сұрақтар
Біріншіден, референдум учаскелерін Сіз E-Gov «электрондық үкімет» порталында «ЖСН бойынша дауыс беру учаскесін іздеу» ақпараттық сервисі арқылы, сондай-ақ байланыс операторларының смс-жіберулері арқылы келіп түскен call-орталықтың қысқа нөмірі бойынша білуңізге болады. Екіншіден, Сіз бұл ақпаратты аумақтық референдум комиссиясынан тұрғылықты мекен-жайыңызды хабарлау арқылы біле аласыз.
Ешқандай жағдайда! Мұндай қатені комиссияның өзі түзетуі керек, онда Сіз міндетті түрде хабарласуыңыз керек. Егер қате дауыс беру күніне дейін анықталса, Сіздің өтінішіңіз бір тәулік ішінде, егер қате дауыс беру күні анықталса, 2 сағат ішінде (бірақ дауыс беру уақыты аяқталғанға дейін) қаралуы керек. Қате анықталғаннан кейін түзету дереу енгізіледі. Егер комиссия Сіздің өтінішіңізді қанағаттандырудан бас тартса, жоғары тұрған комиссияға өз бетіңізше немесе учаскедегі байқаушылармен бірге шағым жасауыңыз қажет.
Референдумға қатысушылардың (сайлаушылардың) тізімдеріне белсенді сайлау құқығы бар Қазақстан Республикасының барлық азаматтары енгізіледі. Референдумға қатысушылардың (сайлаушылардың) тізімімен 27 ақпаннан бастап дауыс беру күніне дейін тұрғылықты жеріңіз бойынша өзіңіздің учаскелік референдум комиссияңызда танысуыңызға болады. Егер референдумға қатысушы (сайлаушы) өзін жаңа тұрғылықты жері бойынша тізімде таба алмаса, онда ол тізімге енгізу туралы өтінішпен учаскелік референдум комиссиясына жүгіне алады.
Дауыс беру күні 18 жасқа толған референдумға қатысушы референдумда дауыс беруге құқылы.
Егер референдумға қатысушы қандай да бір себептермен тізімге енгізілмесе, онда комиссия тұрғылықты жері бойынша тіркелген белсенді сайлау құқығы бар референдумға қатысушыны референдумға қатысушылардың тізіміне енгізу туралы дереу шешім қабылдайды.
Егер Сізде референдум күні учаскеге келе алмауыңыздың түсінікті себебі болса. Жалпы тәжірибе бойынша бұларға, ең алдымен, ауру, ауру отбасы мүшесіне күтім жасау, сондай-ақ референдум учаскелері құрылмаған шалғай және қатынау қиын аудандарда болу жатады. Учаскелік референдум комиссиясына дауыс беру күні жергілікті уақытпен он екі сағаттан кешіктірмей, жазбаша түрде жүгінуге болады. Учаскелік комиссия жазбаша өтінішіңіз бойынша Сіздің тұрған жеріңізде дауыс беруді ұйымдастыруы тиіс.
Егер ол Сізден сұраса, толық құқығыңыз бар. Бірақ бұл ретте Сіз байқаушы, референдум комиссиясының мүшесі болмауыңыз керек. Сырттан көмекке мұқтаж азамат комиссия мүшелеріне бұл туралы ауызша хабарлауға тиіс.
Иә. Болатын жеріңіз өзгерген жағдайда Сіз алдын ала, 2026 жылғы 14 наурызда сағат 18.00-ге дейін референдум учаскесіне хабарласып, дауыс беру құқығын беретін есептен шығару куәлігін алуыңыз қажет. Осы құжатпен Сіз басқа елді мекенде дауыс бере аласыз. Сонымен қатар бір елді мекен шегіндегі басқа учаскеде дауыс беруге болмайды.
Референдумға қатысу үшін Сіз өзіңіз орналасқан шет мемлекеттегі референдум комиссиясының учаскесіне жүгінуіңіз керек. Учаскелердің мекенжайларын ҚР СІМ сайтынан табуға болады. Өзіңізбен бірге Қазақстан Республикасы азаматының жарамды паспорты болуы қажет.
Жоқ. Қазақстан Республикасының азаматтары ғана дауыс бере алатындығын ескере отырып, дауыс беру құқығын беретін құжат Қазақстан Республикасы азаматының жеке куәлігі болып табылады. Заңға тәуелді актіде түпнұсқа жеке куәлікті алмастыратын цифрлық жеке куәлік қарастырылған. Бұл жағдайда сіз EGOV mobile, Kaspi.kz және Halyk қосымшаларында цифрлық жеке куәлікті көрсете аласыз.
Заң референдумға қатысушының дауыс беру кабинасынан сайлау жәшігіне бюллетеньді қалай алып жүру керектігін реттемейді. Алайда, ұл жерде мынадай екі мәселені ұмытпауымыз керек. Біріншіден, Қазақстан Республикасында дауыс беру жасырын болып табылады. Бұл ешкімнің Сізден толтырылған бюллетеньді көрсетуді талап етуге құқығы жоқ дегенді білдіреді. Егер кімде-кім бұл тыйымды бұзса, ол жауапқа тартылуы мүмкін. Екіншіден, дауыс беру күні кез-келген үгітке тыйым салынады, оның нысандарының бірі референдумға қатысушының қалауын білдіру, оның ішінде Сіздің қалай дауыс бергеніңіз туралы хабарда болуы мүмкін. Демек, толтырылған бюллетеньді көрсету үгіт болып көрінуі мүмкін. Бұл үшін Сіз әкімшілік жауапкершілікке тартыла аласыз. Сондықтан толтырылған бюллетеньді ешкімге көрсетуге болмайды, ол үшін бүктеп, бүктелген күйінде әкелгеніңіз дұрыс.
Ресми жолмен жүріп, тиісті аумақтық референдум комиссиясына, құқық қорғау органдарына (бірінші кезекте — прокуратураға) шағым жазуға болады.
Болмайды. Заң бойынша дауыс беру жасырын болуы қажет. Бұл дегеніміз, ешкім, тіпті жұбайы немесе жақын досы да референдумға қатысушының толтырылған бюллетенін көрмеуі тиіс. Алайда, бұл ережеден жалғыз ерекшелік бар: егер референдумға қатысушының бюллетеньді өз бетінше толтыруға мүмкіндігі болмаса (әдетте, бұл қарт адамдар, көру қабілеті нашар адамдар), ол референдумның учаскелік комиссиясының мүшелерін, байқаушыларды қоспағанда, референдумның басқа қатысушысының көмегін пайдалануға құқылы. Мұндай жағдайда референдумның бұл қатысушысы кабинаға комиссияға хабарлағаннан кейін өзі көмектетін адаммен бірге барады.
Сайлау құқығы – Қазақстан Республикасы азаматтарының конституциялық құқығы, міндеті емес. Сондықтан дауыс беруге бармағаны үшін жауапкершілік (жаза) қарастырылмаған.
Мемлекеттік қызмет көрсету мерзімі қандай?
Қазақстан Республикасы Индустрия және инфрақұрылымдық даму министрінің 2020 жылғы 24 сәуірдегі № 233 бұйрығымен және Қазақстан Республикасы Индустрия және инфрақұрылымдық даму министрінің м.а. 2020 жылғы 13 сәуірдегі № 197 бұйрығымен бекітілген Мемлекеттік қызметтер көрсету қағидаларына сәйкес - мемлекеттік қызметтер көрсету мерзімдері-15 (он бес) жұмыс күні.
Баланың тууын қалай тіркеуге болады?
Баланың тууын мемлекеттік тіркеу үшін ата-аналар немесе басқа да мүдделі тұлғалар баланың туу күнінен бастап үш жұмыс күнінен кешіктірмей кез келген тіркеуші органға, кенттердің, ауылдардың, ауылдық округтердің әкімдеріне немесе Мемлекеттік корпорацияға өтініш берушінің қалауы бойынша жазбаша нысанда не портал арқылы электрондық түрде баланың тууын мемлекеттік тіркеу туралы өтініш береді. Тууды мемлекеттік тіркеу проактивті тәсілмен, оның ішінде көрсетілетін қызметті берушінің бастамасы бойынша көрсетілетін қызметті алушының өтінішінсіз көрсетілетін қызметті берушінің және мемлекеттік органдардың ақпараттық жүйелері арқылы көрсетілетін қызметті алушының ұялы байланысының абоненттік құрылғысының телефон нөмірін «электрондық үкімет» веб-порталында тіркеу кезінде көрсетілуі мүмкін www.egov.kz. Екі және одан да көп баланың тууын мемлекеттік тіркеу кезінде олардың әрқайсысына электронды түрде туу туралы медициналық куәліктер беріледі, олардың негізінде туу туралы бірінен соң бірі жеке жазбалар жасалады және балалардың туу туралы жеке куәліктері беріледі. Тууды мемлекеттік тіркеу тегін көрсетіледі.
Жасы бойынша зейнетақы тағайындау үшін құжаттарды қашан тапсыру керек?
Жасы бойынша зейнетақы тағайындау үшін құжаттарды зейнеткерлік жасқа жетуге дейін 10 күнтізбелік күн қалғанда тапсыру керек.
Бір аптадан/онкүндіктен/айдан кейін қолданылу мерзімі аяқталатын ЭЦҚ-ны қалай ұзартуға болады?
ЭЦҚ қолданылу мерзімін бір неше тәсілдермен ұзарта аласыз: - eGov mobile қосымшасында; - ҚР Ұлттық куәландырушы орталығының жеке кабинетінде(pki.gov.kz) толық нұсқаулық мұнда; - сондай-ақ сіз жақын жердегі ХҚКО жүгіне аласыз.
Шөп шабу үшін жер беру туралы
Қазақстан Республикасы Жер кодексі талаптарына байланысты ұзақ мерзімді пайдалануға берілген жердегі учаскелерін шөп шабу үшiн сұралған жер учаскелеріне алдын-ала таңдау жұмыстары жүргізіліп нәтижесі жер учаскелерін таңдау актісімен және жер учаскелерінің шекараларының жобасымен ресімделеді. Дайындалған құжаттар, аудандық жер комиссияның отырысында қаралып, сұралған жер учаскелеріне уақытша өтеусіз жер пайдалану құқығын табыстау мүмкіндігі бойынша хаттамалық шешімімен оң қорытынды қабылдану қажет.
Жер учаскесін жер қорының құрамын қайтару туралы.
Уақытша өтеулі жер пайдалану (жалдау) құқығымен табысталған жер учаскесін арнайы жер қорының құрамына енгізу туралы аудан әкімдігінің қаулысы қабылдау арқылы рәсімделеді.
Кепілде тұрған үйдің құжаттарын рәсімдеу мерзімін ұзарту?
Тұрғын үйдің техникалық құжаттарын жаңадан қайта рәсімдеуге (өзгертуге) аудан әкімдігі тарапынан келісім берілу тиіс. Бұл ретте, жаңадан жасалатын құжатты қайта рәсімдеп, тұрғын үй құжаттарының түпнұсқасын ауданының ауыл шаруашылығы мен жер қатынастары бөліміне тапсыруды және бұл жөнінде аудан әкімдігі мен «Отбасы банк» тұрғын үй құрылыс жинақ банкі АҚ-на хабардар ету сұралады.
Егер медициналық көмек көрсету кезінде денсаулыққа зиян келтірілсе, шағымды қайда жіберуге болады?
Медициналық қызметкерлердің кәсіби жауапкершілігін сақтандыру институтын енгізуге байланысты, сапасыз медициналық көмек алып, денсаулыққа және өмірге зиян келген жағдайда, өтініш берушілер алғашқы кезеңде медициналық көмек көрсеткен денсаулық сақтау субъектісіне шағымдана алады. Денсаулық сақтау субъектісінің науқастарды қолдау және ішкі сараптама қызметі (әрі қарай - Қызмет) 20 жұмыс күні ішінде шағымды қарастырып, егер медициналық көмек көрсету барысында бұзушылықтар анықталса, тәуелсіз сараптамалық комиссия (ТСК) құрады. ТСК денсаулық сақтау субъектісінің басшысының бұйрығымен әр мамандық бойынша кемінде 3 профильді маман мен сақтандыру ұйымының өкілінен, біріккен сақтандыру (қайта сақтандыру) пулына қатысушы ұйымның өкілінен құралады және Қызметтен шағым түскен күннен бастап 3 жұмыс күні ішінде құрылуы тиіс. ТСК медициналық қызмет көрсету нәтижесінде пациенттің өмірі мен денсаулығына зиян келтірілгенін (немесе келтірілмегенін) анықтап, қорытынды шығару үшін 5 жұмыс күні ішінде шешім қабылдайды, қажет болған жағдайда мерзімін 2 айға дейін ұзартуға болады. Егер денсаулыққа немесе өмірге зиян келтірілгені анықталса, сақтандыру төлемі төленеді.
