Сұрақ
Smart City-дің ең үлкен тәуекелі қандай?
Жауап
Smart City-дің ең үлкен тәуекелдерінің бірі — киберқауіпсіздік, себебі барлық жүйелер цифрлық болғандықтан, олар хакерлік шабуылдарға осал болуы мүмкін.
«eGov Mobile» қосымшасы арқылы ЭЦҚ –ны қалай алуға болады?
Қызылорда облысының цифрлық технологиялар басқармасы
Сұрақ
«eGov Mobile» қосымшасы арқылы ЭЦҚ –ны қалай алуға болады?
Жауап
1. Авторизация бетінде «Тіркелу» батырмасын басу қажет.
2. «Digital id» беті ашылады. Телефон нөмірін, SMS-тен тексеру кодын енгізу, кейін «Digital id»-де тіркелу қажет.
3. Бейне сәйкестендіруден өтіп, «еGOV mobile»-ға жеке куәлігіңіздегі деректер мен телефон нөміріне кіруге рұқсат беріңіз.
4. Сіз сәтті расталғаннан кейін тексеру сұрақтарына жауап беріп, оларды енгізуге тиістісіз: жеке куәлігіңіздің нөмірі мен туған күніңізді, кейіннен «Жалғастыру» батырмасын басыңыз.
5. «ЭЦҚ шығару» беті ашылады, электрондық почтаңыздың адресін толтырасыз және ЭЦҚ үшін парольді енгізесіз (бұл пароль «Электрондық үкімет» порталындағы жеке кабинетке де пароль болады, егер бұрын ЖК-да тіркелмесеңіз), одан әрі «Жалғастыру» батырмасын басыңыз.
6. Жаңа бетте «Жалғастыру» батырмасын басыңыз.
7. Сәтті тіркелгеннен кейін қосымшаға жылдам кіру кодын орнатыңыз және Face id/touch id байланыстырыңыз.
Ұқсас материалдар
Сұрақ
Автоматтандыру артса, адамның рөлі қандай болады?
Жауап
Жүйелер толық автоматтандырылған жағдайда да адамның рөлі сақталады, өйткені адам стратегиялық шешімдер қабылдап, жүйелерді бақылап отырады, әсіресе төтенше жағдайларда.
Сұрақ
Smart City-де жасанды интеллекттің рөлі қандай?
Жауап
Smart City-де жасанды интеллект деректерді талдап, болжау жасап, кейбір шешімдерді автоматты түрде қабылдауға мүмкіндік береді, сондықтан ол негізгі технологиялардың бірі болып саналады.
Сұрақ
Тұрғын үй-коммуналдық сала мәселелері бойынша өтініштерді қабылдайтын колл-орталық бар ма?
Жауап
Тұрғындардың тұрғын үй-коммуналдық салаға қатысты өтініштерін қабылдау және жедел әрекет ету мақсатында Қызылорда облысының Бірыңғай байланыс орталығы жұмыс істейді.Азаматтар 109 қысқа нөмірі арқылы хабарласа алады.
Сұрақ
IT саласындағы жобаны қалай ұсынуға болады?
Жауап
IT саласындағы жобаны ұсыну үшін оның презентациясын [email protected] электрондық поштасына немесе Қызылорда қаласы, С.Бейбарыс көшесі,1 мекенжайына пошта арқылы жолдауға болады.
Сұрақ
Интернет жылдамдығының төмен болуының негізгі себептері қандай?
Жауап
Интернет жылдамдығының төмендеуі желі жүктемесінің артуы, кибершабуылдар салдарынан магистральдық арналардың жүктелуі және базалық станциялардың жеткіліксіздігі немесе олардың алынуы нәтижесінде қамту аймағының қысқаруымен байланысты.
Сұрақ
Байланыс қызметінің сапасына қатысты қайда шағымдануға болады?
Жауап
Байланыс қызметінің сапасына қатысты мәселелер бойынша азаматтар Қазақстан Республикасының Жасанды интеллект және цифрлық даму министрлігінің Телекоммуникация комитетінің облысаралық байланыс инспекцияларына,сондай-ақ,облыс әкімдіктеріне шағымдана алады.
Сұрақ
Қазақстан Республикасы аумағында байланыс қызметтеріне тарифтерді кім белгілейді?
Жауап
Қазақстан Республикасы аумағында байланыс қызметтеріне тарифтерді байланыс операторлары өздерінің экономикалық негізделген шығындарына сәйкес дербес түрде белгілейді.