Жер қойнауын пайдаланушылардың және олардың мердігерлерінің уран өндіру жөніндегі операцияларды жүргізу кезінде пайдаланылатын тауарларды, жұмыстарды және көрсетілетін қызметтерді сатып алу қағидаларының 85-тармағына сәйкес, тапсырыс беруші қорытынды хаттамасына қол қойылған және тізілімнің ашық бөлігінде орналастырылған күннен кешіктірмей хабарлама қалыптастыруға және оны жеңімпаздың электрондық поштасына жіберуге міндетті. Алайда, тапсырыс беруші біздің мекенжайымызға мұндай хабарлама жіберген жоқ

Қазақстан Республикасы Кодексінің 179-бабының 1-тармағына сәйкес, жер қойнауын пайдаланушылар уран өндіру жөніндегі операцияларды жүргізу кезінде пайдаланылатын тауарларды, жұмыстарды және көрсетілетін қызметтерді сатып алудың белгіленген тәртібін бұзғаны үшін жер қойнауын пайдалануға арналған келісімшарттардың талаптарына сәйкес жауапты болады. Бұдан бөлек, Қазақстан Республикасы Кодексінің 278-бабының 31-тармағына сәйкес, жер қойнауын пайдаланушылар мен олардың мердігерлерінің сатып алудың белгіленген тәртібін бұза отырып немесе көзделген рәсімдерден тыс жүзеге асырған шығыстары келісімшарттық міндеттемелерді орындау ретінде есепке алынбайды. Жоғарыда айтылғандардың негізінде, Агенттік тарапынан Қазақстан Республикасының заңнамасында белгіленген тәртіппен шаралар қолданылатын болады.

Қағидалардың 86-тармағына сәйкес, уран саласындағы уәкілетті орган Қағидалардың ережелерін түсіндіреді. Әлеуетті өнім беруші Қағидалар негізінде өткізілетін конкурстардың қорытындыларына сот тәртібімен шағымдануға құқылы.

«Tizilim» порталында орналастырылған «__ » ТЖҚ (тауарлар, жұмыстар, көрсетілетін қызметтер) сатып алу бойынша ашық конкурстың қорытындысын шығару туралы № хаттамасына сәйкес, «Ескертпе» бағанында Сіздің тарапыңыздан қарыз берешегі (ссудная задолженность) туралы анықтама ұсынылғаны көрсетілген. Сонымен қатар, Қағидалардың 41-тармағының 2) тармақшасының талаптарында банктің әлеуетті өнім берушінің банк алдындағы міндеттемелері бойынша мерзімі өткен берешегінің жоқтығы туралы анықтамасын ұсыну көзделген. Осылайша, ұсынылған анықтама өзінің мазмұны бойынша белгіленген талаптарға сәйкес келмейді, бұл өтінімді қабылдамауға негіз болды.

Қағидалардың 66-тармағының 1) тармақшасына сәйкес, конкурстық комиссия Қағидалардың 41, 42 және 43-тармақтарында көзделген құжаттар ұсынылмаған жағдайда, өтінімді қабылдамауға және әлеуетті өнім берушіні ашық конкурсқа қатысуға жібермеуге міндетті. Қағидалардың 41-тармағының 2) тармақшасына сәйкес, конкурстық өтінімде әлеуетті өнім берушіге қызмет көрсететін банктің (немесе банк филиалының) осы банктің алдында мерзімі өткен берешегінің жоқтығы туралы анықтамасының электрондық көшірмесі болуы тиіс. Егер әлеуетті өнім беруші Қазақстан Республикасының бірнеше екінші деңгейдегі банктерінде немесе шетелдік банкте қызмет көрсетілсе, тиісті анықтама олардың әрқайсысынан ұсынылуы керек. Анықтама конкурстық өтінімдерді ашу күніне дейін бір айдан ерте емес мерзімде берілуі тиіс.

Қазақстан Республикасы Атом энергиясы жөніндегі агенттігінің 2026-2030 жылдарға арналған даму жоспарында бір мақсат көзделген, бұл «Қазақстан Республикасының атом саласын дамытуды қамтамасыз ету».

Қазақстан Республикасы Атом энергиясы жөніндегі Агенттігі Төрағасының 2025 жылғы 30 желтоқсанда № 104-н/қ бұйрығымен «Қазақстан Республикасы Атом энергиясы жөніндегі агенттігінің 2026-2030 жылдарға арналған даму жоспары» бекітілді.

Әрбір қала Ғылым қаласы мәртебесін ала алмайды. Ол үшін арнайы талаптар орындалуы тиіс. Негізгі талап – қалада ғылыми қызметкерлердің саны жеткілікті болуы қажет. Олардың саны қаладағы еңбекке қабілетті және жұмыс істейтін халықтың кемінде 3%-ын құрауы тиіс.

Иә. Қазақстанда ғылымды көп қажет ететін аумақтарды (Ғылым қаласы мен ғылыми-технологиялық парктерді) құру жоспарлануда. 2025 жылы 2026–2035 жылдарға арналған ғылымды көп қажет ететін аумақтарды құру және дамыту тұжырымдамасы бекітілді. Тұжырымдамада үш негізгі ғылыми алаң құру көзделген: Алматы қаласындағы Ядролық физика институты базасында ғылыми-технологиялық парк; Астана қаласындағы Назарбаев Университеті базасында ғылыми-технологиялық парк; Курчатов қаласының базасында ғылым қалашығы. Ғылымды көп қажет ететін аумақтарды құру ғылым мен технологияларды дамытуға, инвестициялар мен халықаралық жобаларды тартуға, ғалымдар мен инженерлер үшін жаңа жұмыс орындарын ашуға, сондай-ақ ғылыми әзірлемелерді коммерцияландыруға бағытталған.