Бәйтерек, Тасқала, Бөрлі және Қазталов аудандарынан келген өнер ұжымдарының гала-концертіне қатысқан аудан әкімінің орынбасары Көпжан Тастанұлы өнер ұжымдарына шығармашылық табыс тілеп, дүлдүл музыканттардың саф өнеріне құрмет білдіре келген көрерменге ризашылығын жеткізді.
Әлемдік деңгейдегі авторлардың шығармалар шырқалып, бірегей таланттардың туындылары орындалған кеш әдемі үйлесімде түйінделді. Сондай-ақ көрермен назарына өнер тарихы мен талантты тұлғалар туралы деректер мен музыка аспаптары қойылған көрме ұсынылды. Кеш соңында барлық өнер ұжымына естелік сыйлықтар табысталды.
