Әбілқайыр Сқақов мұз айдыны, жеңіл атлетика манежі және олимпиадалық резервтің дайындық орталығының құрылысы жүріп жатқан алаңдарды аралап көрді.
«ТОИР» ЖШС мердігерлік компаниясының өкілдері мұз айдынды осы жазда қолданысқа беруді жоспарлап отыр. Жеңіл атлетика манежі мен олимпиадалық резервтің дайындық орталығының қ ұрылысын «ТаразҚұрылысИнвест» және «ГСУ Құрылыс» жауапкершілігі шектеулі серіктестіктері жүргізіп жатыр. Мердігер ұйымдар нысанның екеуін де 2021 жылдың соңына қарай іске қосуға уәде берді.
Әбілқайыр Сқақов қол жетімді жабдықтар сатып алу арқылы жүзеге асырылып жатқан жобалардың құнын төмендету мүмкіндігін қарастыруды тапсырды. Сонымен бірге, аймақ басшысы бұл қадам жабдықталудың сапасына әсер етпеу керектігін ескертті. Сондай-ақ, ол жаңа спорт мекемелерінің кадрлық құрам мәселелерімен айналысып, өңір тұрғындарының нысандарға жету логистикасын ойластыруды тапсырды.
