Қалалық штабтың кезекті отырысы шаһар басшысының орынбасары Тәжібек Мұсаевтың төрағалығымен өтті.
⠀
Қалада төтенше жағдай талаптарының орындалу деңгейі қатаң бақылауда. Ол үшін мобильді топтар жұмыс жүргізуде. Дегенмен, спорт және балалар ойын алаңшаларында жасөскіндердің ойын ойнап, ара-қашықтықты сақтамау жайттары тексеріс барысында белгілі болды.
⠀
Сондай-ақ, базар аумағында ұялы телефон сататын дүкенінің есігін ашқан иесіне әкімшілік хаттама толтырылды. Алдымен, адам денсаулығының қымбат екендігі айтылып, сондықтан азық-түліктен басқасы уақытша жабылатындығы ескертілді.
⠀
Блок-бекеттердегі де жағдайлар айтылып, өзге шаһар тұрғындарының түрлі жолдармен Түркістанға заңсыз, тексеріссіз өтуі анықталған. Бұл тұста, сақтық шараларын жандандырып, бақылау-өткізу бекетін қатаң қадағалау керектігі ескертілді.
⠀
Ал, қаланы дезинфекциялау ауа-райы қолайсыздығына байланысты тоқтап тұр. Жауын-шашын басыла, алдымен, азық-түлік қатарларын залалсыздандыру жалғасатын болады.
Түркістан қаласы әкімінің баспасөз қызметі.
#birgemiz
#ХалықтықӘкімдік
