Павлодар облысының полицейлері балаларға мерекелік көңіл-күй сыйлап, ересектерге қауіпсіздік туралы еске салды. Павлодар қаласының орталық жағалауында жарқын әрі көңілді мерекелік іс-шара өтті. Жас тұрғындар мен олардың ата-аналары үшін ұйымдастырушылар ойындар, байқаулар және шығармашылық алаңдардан тұратын мазмұнды бағдарлама әзірледі.
Мерекелік шараға облыстық Полиция департаментінің Отбасылық-тұрмыстық зорлық-зомбылыққа қарсы күрес бөлімшесінің қызметкерлері белсенді қатысты. «Қазақстан – отбасындағы зорлық-зомбылықсыз ел» республикалық акциясы аясында олар демалушылар арасында кең көлемді ақпараттық-түсіндіру жұмыстарын жүргізіп, бала құқықтарын қорғаудың және отбасылық жанжалдардың алдын алудың маңыздылығын түсіндірді.
Полицейлер ересектерге шұғыл қызметтердің байланыс нөмірлері мен қиын өмірлік жағдайларда әрекет ету жөніндегі кеңестер көрсетілген пайдалы жадынамалар таратты. Ал бүлдіршіндер үшін тәртіп сақшылары әр балаға сыйлаған жарқын қызғылт сары әуе шарлары ерекше қуаныш сыйлады. Бұл шарлар жылулықтың, қамқорлықтың және қауіпсіз балалық шақтың символына айналды.
– Осындай ашық кездесулер қоғам мен полиция арасындағы сенімді нығайтуға көмектеседі. Сондай-ақ балалар үшін қауіпсіз әрі мейірімді орта қалыптастыру – барлық ересектердің ортақ міндеті екенін тағы бір мәрте еске салады, – деп атап өтті полиция қызметкерлері.
