Қазақстан Республикасының шаңғы жарыстары чемпионаты
24 наурыз – Шымкентте мерекелік гала-концерт өтеді 24 наурыз күні Шымкент қаласында мерекелік гала-концерт өтеді, ол сағат 19:00-де басталады. Бағдарламаға жергілікті өнерпаздар және елдің танымал эстрада жұлдыздары қатысады. Кештің басты орындаушылары – Қайрат Нұртас және Баянсулу. Мерекелік концерттің финалы заманауи дрон-шоумен қорытындыланып, қала тұрғындары мен қонақтарына керемет визуалды және музыкалық әсер сыйлайды. Іс-шараның мақсаты – ұлттық мәдениетті насихаттау және қала тұрғындары мен қонақтарына мерекелік көңіл-күй тарту.
24 наурыз күні сағат 15:00-де Шымкент қаласында Наурыз мерекесіне арналған ауқымды шаралар жалғасады. Күндіз Астана алаңы алаңында ерекше музыкалық бағдарлама – оркестрлер айтысы өтеді. Шара барысында қазақ ұлттық аспаптар оркестрі, симфониялық және эстрадалық оркестрлер өнер көрсетеді. Музыкалық кеште әлемдік классиктердің және түрлі ұлттық мектептердің композиторларының танымал шығармалары орындалады. Бағдарламаны Темірбек Жүргенов атындағы Қазақ ұлттық өнер академиясы ректоры, Қазақстанның еңбек сіңірген қайраткері Арман Жүдебаев дирижерлік етеді. Бұл концерт қала тұрғындары мен қонақтарына ұлттық және әлемдік музыка мәдениетінің байлығын сезіндіріп, мерекелік көңіл-күй сыйлауға бағытталған.
Құрметті Шымкент қаласының тұрғындары мен қонақтары! Сіздерді 23 наурыз күні Астана алаңында өтетін Ұлыстың Ұлы күні – Наурыз мерекесіне арналған салтанатты іс-шараға шақырамыз. Мерекелік бағдарлама аясында: 🕚 11:00 – Ұлттық киім дизайнерлерінің сән дефилесі; 🕒 13:00 – «Қазына» халық би ансамблінің концерті; 🕖 19:00 – Ғазизхан Шекербековтың концерті болады. Іс-шараның жүргізушілері – Дәулет Бижанов, Айжани Адайқызы және жасанды интеллект негізіндегі жүргізуші Дара. Толық ақпарат – https://nauryzshymkent.onrender.com/ сайтында. Ұлыстың ұлы күнін бірге қарсы алайық!
