Жетісу облысының экономика және бюджеттік жоспарлау басқармасы

Қазақстан Республикасы Азаматтық кодексінің 488-бабының 1-тармағына сәйкес, егер заң актілерінде немесе тараптардың келісімінде өзгеше көзделмесе, энергияға ақы төлеу энергияны есепке алу деректеріне сәйкес айқындалатын, абонент іс жүзінде қабылдаған энергия мөлшері үшін жүргізіледі. Сонымен бірге, «Табиғи монополиялар туралы» Қазақстан Республикасы Заңының 26-бабы 2-тармағының 3) тармақшасына сәйкес табиғи монополия субъектісі осы Заңға сәйкес бекітілген тариф бойынша реттеліп көрсетілетін қызметті ұсынуға міндетті. Бұдан басқа, Қазақстан Республикасы Энергетика министрінің 2014 жылғы 18 желтоқсандағы № 211 бұйрығымен бекітілген жылу энергиясын пайдалану қағидаларының 62-тармағына сәйкес тұтынушы жылу энергиясы үшін энергиямен жабдықтаушы ұйыммен тараптардың пайдалану жауапкершілігінің шекарасында орнатылған коммерциялық есепке алу аспаптары бойынша, белгіленген тәртіппен бекітілген, реттеуші орган бекіткен тариф бойынша есептеледі. Жылу энергиясын тұрмыстық мұқтаждар үшін пайдаланатын тұтынушыда коммерциялық есепке алу аспаптары болмаған кезде, көрсетілген қызметтердің көлемі Қазақстан Республикасының Табиғи монополиялар саласындағы заңнамасында белгіленген тәртіппен есептеу жолымен айқындалады. Жылу энергиясымен жабдықтау бойынша реттеліп көрсетілетін қызмет үшін төлемақы мөлшерін есептеу тетігі тарифтерді қалыптастыру қағидаларында айқындалған. Сонымен қатар, бекітілген тарифтер мен басқа да мәселелер бойынша қосымша ақпарат алу үшін тұтынушыға Қазақстан Республикасы Ұлттық экономика министрлігі Табиғи монополияларды реттеу комитетінің тиісті аумақтық департаментіне (Аумақтық департаменттердің мекен-жайлары сайтта көрсетілген) хабарласуды ұсынамыз www.gov.kz/memleket/entities/krem/ бөлімде: Басты – Комитет туралы – Комитеттің құрылымы – Аумақтық департаменттер), тұтынушының орналасқан жері бойынша.

«Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 және «Мемлекеттік бюджет есебінен ұсталатын барлық органдардың қызметкерлеріне еңбекақы төлеудің бірыңғай жүйесін бекіту туралыә 2017 жылғы 16 қазандағы № 646қбпү қаулыларына сәйкес базалық лауазымдық айлықақы (бұдан әрі – БЛЖ) азаматтық қызметшілердің де, мемлекеттік бюджет есебінен ұсталатын барлық органдардың (мемлекеттік қызметшілер, әскери қызметшілер және әлеуетті органдардың қызметкерлері, депутаттар, судьялар және т.б.) қызметкерлерінің де лауазымдық айлықақыларын есептеу үшін қолданылады. Бюджеттік қызметкердің лауазымдық жалақысы БЛЖ-ны жұмыс өтілі бойынша коэффициентке көбейту жолымен айқындалады (қолданыстағы жүйе бойынша қызметкердің еңбегі сараланған түрде төленеді және орындалатын жұмыстың біліктілігіне, күрделілігіне және санына байланысты болады). Бұл ретте, жұмыскерлердің көрсетілген санаттарының санын ескере отырып, БЛЖ-ны арттыру туралы бір мезгілде шешім қабылдау не оны жыл сайын индекстеу мемлекеттік бюджеттен елеулі бюджет қаражатын бөлуді талап етеді. Сонымен қатар, мемлекет қаржы-экономикалық мүмкіндіктерге сүйене отырып, бюджет саласы қызметкерлерінің еңбекақы деңгейін кезең-кезеңімен арттыратынын атап өтеміз. Бұдан басқа, мемлекеттік қызметшілердің лауазымдық айлықақыларын есептеу үшін коэффициенттерді қайта қарау және бюджеттік мүмкіндіктерге қарай үш жылда бір рет индекстеуді жүзеге асыру бойынша шаралар пысықталып жатқанын атап өткен жөн.

Сізге әлеуметтік қолдау шараларын ұсыну, кезекке қою немесе қоймау мәселесін қарау үшін «электрондық үкімет» веб-порталы арқылы, сондай-ақ «Азаматтарға арналған үкімет» Мемлекеттік корпорациясы» коммерциялық емес акционерлік қоғамы (ХҚКО) арқылы толық құжаттармен электрондық форматта хабарласуды ұсынамыз.

"Агроөнеркәсіптік кешенді және ауылдық аумақтарды дамытуды мемлекеттік реттеу туралы" ҚР салалық Заңы (18-баптың 8-тармағы) жұмыс істеу және тұру үшін тек ауылдық елді мекендерге келген әлеуметтік сала және агроөнеркәсіптік кешен мамандарын қолдауға бағытталған. Қазіргі уақытта 10 мың адамнан аз халқы бар шағын қалалардың мәртебесін өзгерту бөлігінде заңнамалық актілерге түзетулер енгізілді. Қалалық елді мекеннің мәртебесі ауылдық елді мекенге өзгерген кезде олардың мамандары бұдан әрі әлеуметтік қолдау шараларын және Қазақстан Республикасының заңнамасында көзделген тиісті үстемеақыларды ала алады. Сондай-ақ, қалаларға келетін мамандар үшін жоба шеңберінде әлеуметтік қолдау шараларын ұсыну мамандардың ауылдық жерлерден кетуіне және кадр тапшылығының одан әрі артуына әкелуі мүмкін екенін ескеру қажет.