Құрметті аудан тұрғындары мен қонақтары!
Сіздерді ұлттық өнердің тынысын сезінуге, шеберлердің қолынан шыққан бірегей туындыларды тамашалауға және сатып алуға шақырамыз!
Өткізілетін уақыты мен орны:
Күні: 16 наурыз, 2026 жыл
Мекенжайы: Жосалы кенті, Руханият орталығы
22 наурыз – Ұлыстың Ұлы күні Наурыз мейрамы қарсаңында «Әдемі» балалар музыкалық театр-студиясының балаларға арналған мерекелік қойылымы өтеді. Мерекелік қойылымда бүлдіршіндер ертегі кейіпкерлерімен бірге ән айтып, би билейді. Кейіпкерлердің шытырман оқиғасы кішкентай бүлдіршіндерге қуакныш сыйлап, қызықты уақыт өткізеді. Кішкентай көрермендерді қызықты оқиғалар мен тосын сыйлар күтіп тұр. Бұл қойылым – балаларға арналған Наурыз шаттығы, көктем қуанышы мен мейірімге толы мерекелік тарту!
Жаңақорған ауданы «Шаңырақ» аллеясында халқымыздың отбасылық құндылықтары мен мәдениеті, ұлттық салт-дәстүрі ұлықталады. Киіз үйлер тігіліп, ұлттық тағамдардан дайындалған арнайы дәм мен қолөнер шеберлерінің түрлі бұйымдары ұсынылады. Ақ жаулықты әжелер диірмен тартып, келі түйіп, ұршық иіріп, ұлттық ойындардан сайыстар өтеді. Бесікке салу, тұсаукесер рәсіміне куә болуға болады. Аудан өнерпаздарының концерттік бағдарламасы ұсынылады.
Құрметті жерлестер, өнерсүйер қауым! Біздің сан ғасырлық тарихымыз бен терең тамырлы мәдениетімізді паш ететін, ұмытыла бастаған салт-дәстүрлерімізді жаңғыртатын «Ұлттық мұра – халық қазынасы» атты салтанатты мерекелік іс-шараға шақырамыз! Өткізілетін уақыты мен орны: Күні: 16 наурыз, 2026 жыл Мекенжайы: Жосалы кенті, Ш.Төлепова атындағы аудандық мәдениет үйі
Жаңақорған ауданы «Руханият» орталығының алаңында 14 наурыз – «Көрісу» күніне арналған мәдени шаралар өтеді. Театрландырылған көрініс, әжелер ансамблі мен аудан өнерпаздарының концерттік бағдарламасы, киіз үйлер тігіліп, «Алтыбақан» орнатылып, Ұлттық салт-дәстүрлерден көріністер көрсетіледі.
14 наурыз – Көрісу күні – Амал мерекесіне орай мерекелік мәдени-көпшілік шара өтеді. Шара бағдарламасында: Мерекелік концерт, ұлттық ойындар мен дәстүрлі сайыстар, тал отырғызу рәсімі мен «Бауырсақ» party ұйымдастырылады. Қала тұрғындары мерекенің атмосферасын сезініп, жаңару мен ізгілік айы кеңінен насихатталады. Амал мерекесі – береке мен бірліктің, ізгі тілек пен ақжарма қауышудың нышаны. Айтулы күнге арналған бұл шарада ұлттық дәстүр дәріптеліп, көтеріңкі көңіл-күй сыйланады.
