Құрметті Петропавл қаласының тұрғындары мен қонақтары Наурыз мерекесін 13-23 наурыз аралығында мерекелеу құрметіне сатып алушыларды қолдауға және мерекелік атмосфераны құруға бағытталған «Nauryz Sale» республикалық акциясы өтеді.
Акция аясында қаланың бірқатар сауда нысандары келушілерге азық-түлік және азық-түлік емес тауарлардың кең ассортиментіне арнайы мерекелік жеңілдіктер ұсынады.
Акцияға қаланың ірі сауда-ойын-сауық орталықтары қатысады: Dostyq Mall, City Mall, Рахмет.
Сонымен қатар, қаланың ірі сауда желілері қатысады: «Северный», «Семей», «Аймер», Magnum дүкендер желісі (Ш.Уәлиханов көшесінде).
Акцияға Пирамида сауда үйі мен Айсберг супермаркеті де қосылады.
Акцияны өткізу кезеңінде сатып алушылар үшін тауарлардың кең ассортиментіне жеңілдіктер қолданылатын болады, бұл тұрғындарға қажетті азық-түлік пен күнделікті сұраныстағы тауарларды неғұрлым тиімді бағамен сатып алуға мүмкіндік береді.
Сауда объектілерінде арнайы мерекелік безендіру ұйымдастырылады, сондай-ақ тақырыптық белгілер мен ақпараттық материалдар орналастырылады, соның арқасында сатып алушылар «Nauryz Sale» акциясына қатысатын тауарларды оңай таба алады.
Республикалық акцияны өткізу тұтынушыларды қолдауға, сауда белсенділігін ынталандыруға және елдің басты ұлттық мерекелерінің бірі қарсаңында мерекелік көңіл-күй қалыптастыруға бағытталған.