2026 жылғы 20 наурызда Ұлттық спорт күні мен көктемнің мерекесі Наурыз құрметіне ұлттық және бұқаралық спорт түрлерінен кешенді жарыстар өтеді.
Қатысушыларды тіркеу: 20 наурыз, 08:30–10:00
Салтанатты ашылу рәсімі: 20 наурыз, 10:00–10:30
Жарыстың басталуы: 20 наурыз, 10:30.
Өтетін орны: Алматы облысы спортты дамыту дирекциясының стадионы, Қонаев қаласы, Демалыс аллеясы 2-А.
Спорттық мерекеге облыс орталығының тұрғындары мен қонақтары, түрлі жас санатындағы барлық ниет білдірушілер (6 жастан 60 жастан жоғары) қатыса алады.
Жарыстар келесі спорт түрлері бойынша өтеді:
- бұқа тартыс (18 жастан жоғары ерлер);
- арқан тартыс (16 жастан жоғары жастар мен ерлер);
- ләңгі тебу (16 жастан жоғары жастар мен ерлер);
- бес асық (жас ерекшелігіне шектеу жоқ қыздар мен әйелдер);
- асық ату (16 жастан жоғары жастар мен ерлер);
- тоғызқұмалақ (жас ерекшелігіне шектеу жоқ);
- гир көтеру (18 жастан жоғары ерлер мен әйелдер);
- армрестлинг (18 жастан жоғары ерлер мен әйелдер);
- баскетбол 3×3 (16 жастан жоғары жастарр мен ерлер);
- кермеге тартылу (21 жастан жоғары ерлер);
- брусьяда жаттығулар (16 жастан жоғары жастар мен ерлер).
Мақсаты мен міндеттері: халықтың түрлі жас санаттары арасында салауатты өмір салтына деген қызығушылықты арттыру; достықты, бірлік пен патриоттық рухты нығайту; әр спорт түрі бойынша мықты спортшылар мен командаларды анықтап, оларды алдағы түрлі деңгейдегі жарыстарға дайындау; Наурыз мерекесі күндері белсенді әрі мазмұнды демалыс ұйымдастырып, ұлттық дәстүрлерді дәріптеу.
Әр спорт түрі бойынша жеңімпаздар мен жүлдегерлер кубоктармен, медальдармен және тиісті дәрежедегі дипломдармен, сондай-ақ ақшалай сыйлықтармен марапатталады.
Жалпы жүлде қоры – 1 300 000 теңгеден астам.
Жарыс ұйымдастырушылары: Алматы облысының дене шынықтыру және спорт басқармасы, Алматы облысының «Бұқаралық спорт клубы».
Байланыс телефоны:
+7 707 356 8300 (Ықылас Қадырқожаев).