Мүлік иелерінің бірлестігі мен қарапайым бірлестіктің айырмашылығы неде?

Көше жарығының істен шығуы туралы қалалық немесе аудандық әкімдікке, тұрғын үй-коммуналдық шаруашылық бөліміне немесе бірыңғай диспетчерлік қызметке хабарласуға болады. Қазақстан Республикасының Жергілікті мемлекеттік басқару және өзін-өзі басқару туралы заңы, 31-бап.

Тапсырыс беруші мекемеге және мердігер ұйымға жазбаша өтініш жолдау қажет. Зиян келтіру фактісі расталған жағдайда оны қалпына келтіру немесе өтеу мәселесі қаралады. Қазақстан Республикасының Азаматтық кодексі, 917-бап.

Тұрғын үйдің техникалық жай-күйіне сараптама жүргізіледі. Сараптама қорытындысы негізінде тұрғын үйді апатты деп тану мәселесі қаралады. Қазақстан Республикасының Тұрғын үй қатынастары туралы заңы, 69-бап.

Қазақстан Республикасының Қазақстан Республикасының Тұрғын үй қатынастары туралы Заңы 71-бабы 1-тармағына сәйкес, осы Заңның 69-бабына сәйкес тұрғынжайға мұқтаж деп танылған Қазақстан Республикасының азаматтарын және қандастарды тұрғынжайға мұқтаждар есебіне қою «Тұрғын үймен қамтамасыз ету орталығы» электрондық базасы арқылы жүзеге асырылады. Тұрғын үй кезегіне тіркелу тіркелген жеріңіз бойынша онлайн форматта жүргізіледі. Осыған байланысты, Сіз https://orken.otbasybank.kz/ «Тұрғын үймен қамтамасыз ету орталығы» электрондық базасы арқылы өтініш бере аласыз. Тұрғын үй қатынастары туралы Қазақстан Республикасының 1997 жылғы 16 сәуiрдегi N 94 Заңы. https://adilet.zan.kz/kaz/docs/Z970000094_

Мемлекеттік тұрғын үй қорынан берілген тұрғын үйді жекешелендіру үшін өтініш беруші egov.kz порталы немесе өзіңіз мекен жайыңыз бойынша ХҚКО арқылы өтініш беру қажет. Мемлекеттік тұрғын үй қорынан берілген тұрғын үйді жекешелендіру - бұл азаматтың жалға алып отырған мемлекеттік тұрғын үйді жеке меншігіне тегін рәсімдеу процесі. Бұл қызмет тек белгілі бір санаттағы азаматтарға қолжетімді және нақты заңдармен реттеледі. Мына азаматтар тұрғын үйді жекешелендіруге құқылы: • Мемлекеттік тұрғын үй қорынан тұрғын үйді жалға алып отырған азаматтар; • Әлеуметтік осал топтарға жататындар (көп балалы отбасылар, мүгедектер, жетім балалар және т.б.); • Мемлекеттік қызметшілер, бюджеттік мекеме қызметкерлері, әскери қызметшілер, арнаулы мемлекеттік органдардың қызметкерлері, судьялар, депутаттар, ғарышкерлер мен үміткерлер. Жекешелендіруге өтініш беру үшін отбасының барлық кәмелетке толған мүшелері келісімін беруі қажет. Жекешелендіру қызметіне жүгіну тәсілдері: • Халыққа қызмет көрсету орталығы (ХҚКО) арқылы; • электрондық үкімет порталы арқылы (ЭЦҚ қажет); • Құжаттарды қарау және шешім қабылдау жергілікті атқарушы орган жанындағы тұрғын үй комиссиясы арқылы жүзеге асады. Қажетті құжаттар тізімі: 1. Өтініш (отбасының барлық кәмелетке толған мүшелері қол қояды); 2. Қажетіне қарай: • некеге тұру/бұзу туралы, баланың тууы немесе отбасы мүшесінің қайтыс болуы туралы куәліктер көшірмелері; 3. Тұрғын үйге жалға алу шарты немесе ордер; 4. Егер өтініш берушінің отбасына басқа тұлғалар мүшелік етсе- сот шешімінің көшірмесі; 5. Егер азамат жеңілдікті топқа жатса: • тиісті құжат көшірмесі (мысалы, көп балалы отбасы мәртебесі); 6. Мемлекеттік қызметшілер мен өзге де санаттар үшін: • жұмыс орнынан анықтама немесе еңбек қызметін растайтын құжат көшірмесі; 7. Ғарышкерлер немесе үміткерлер мәртебесін растайтын құжат; 8. №6 нысан- өтініш беруші мен онымен тұратын отбасы мүшелерінің атына ҚР аумағында тұрғын үйдің бар/жоғы туралы әділет органының анықтамасы; 9. Коммуналдық қызметтер бойынша қарыздың жоқтығы туралы анықтама (жарық, су, газ, жылу, КСК және т.б.). "Тұрғын үй қатынастары туралы" Қазақстан Республикасының 1997 жылғы 16 сәуiрдегi N 94 Заңы «Мемлекеттік тұрғын үй қорынан тұрғын үйді жекешелендіру» мемлекеттік қызмет көрсету қағидалары, ҚР Индустрия және инфрақұрылымдық даму министрінің м.а. 2021 жылғы 12 тамыздағы №437 бұйрығы

Ағаштарды кесуге рұқсатты алу үшін egov.kz порталы арқылы өтінім беру қажет. Ағаштарды кесуге рұқсат келесі жағдайларда талап етіледі: егер ағаштар қоғамдық аумақтарда, құрылыс кезінде, қайта жаңарту немесе абаттандыру жұмыстарын жүргізу барысында кесілуі қажет болса. Іс-қимыл тәртібі 1. Сіздің жағдайыңыз рұқсатты қажет ететін санатқа кіретінін анықтаңыз. 2. Қажетті құжаттарды Қағидаларға сәйкес дайындаңыз. 3. Өтінішті келесі портал арқылы жіберіңіз: • egov.kz 4. Рұқсатты алу – 10 жұмыс күні ішінде жүзеге асырылады. Қажетті құжаттар тізімі Кесу себебіне байланысты (құрылыс, қайта жаңарту, абаттандыру): • Электрондық цифрлық қолтаңба (ЭЦҚ) арқылы расталған өтініш (Қағидалардағы 2-қосымшаға сәйкес нысан бойынша); • Жер учаскесіне құқық белгілейтін құжаттың көшірмесі (егер «Жылжымайтын мүлік регистрі» базасында тіркелмеген болса); • Экологиялық сараптама қорытындысы; • Жасыл желектерге жүргізілген түгендеу және орман-патологиялық зерттеу материалдары; • Өтемдік ағаш отырғызу жоспары; • Көшеттерді отырғызу мерзімі көрсетілген өтемдік отырғызу туралы кепілхат; • Өтемдік көгалдандыруды жүзеге асыратын ұйыммен жасалған шарт. "Қалалар мен елді мекендердің аумақтарын абаттандырудың үлгілік қағидаларын және "Ағаштарды кесуге рұқсат беру" мемлекеттік қызмет көрсету қағидаларын бекіту туралы" Қазақстан Республикасы Ұлттық экономика министрінің 2015 жылғы 20 наурыздағы № 235 бұйрығы.

Сумен жабдықтау және су бұру жүйелеріне қосылу үшін сумен жабдықтаушы ұйымға (су арнасы) өтініш беру, ұйымнан техникалық шарт алып жәнесол ұйыммен (су арнасымен) келісімшарт жасасу қажет.

Иә, заң бойынша барлық тұтынушылар су есептегіш құралдарын орнатуға міндетті. Олар дұрыс жұмыс істептұрғанын қадағалау және уақтылы тексеруден өткізу де қажет.