Базалық салықтық шегерім деген не? Оны қалай қарапайым сөзбен түсіндіруге болады? Қандай жағдайда базалық шегерім қолданылмауы мүмкін? Бұл шегерім кімге беріледі – барлығына ма, әлде белгілі бір санаттарға ғана ма?
2025 жылғы 18 шілдедегі № 214-VIII ЗРК Қазақстан Республикасының Салық кодексінің 403-бабына сәйкес, базалық салықтық шегерім сәйкес қаржылық жылдың 1 қаңтарындағы айлық есептік көрсеткіштің 30 еселенген мөлшерін құрайды және әрбір күнтізбелік айға қолданылады. Күнтізбелік жылдағы базалық салықтық шегерімнің жалпы сомасы сәйкес қаржылық жылдың 1 қаңтарындағы айлық есептік көрсеткіштің 360 еселенген мөлшерінен аспауы тиіс.
Қарапайым сөзбен айтқанда, есептелген салық салынатын сомадан әр айда 129 750 теңге шегеріледі, ал қалған сомадан 10% мөлшерінде жеке табыс салығы есептеледі. Бұл шегерім өз атауына сәйкес, жалақы алатын барлық жеке тұлғаларға қолданылатын бірыңғай шегерім болып табылады.
