Бүгін, 2026 жылғы 10 маусымда, Тимирязев аудандық активінде аудан әкімі Ерлан Жаров аудан әкімінің 2026 жылғы 10 маусымдағы өкімімен Тимирязев ауданы әкімі аппаратының басшысы лауазымына тағайындалған Әсел Бөгенбайқызы Нұрикенованы таныстырды.
Әсел Бөгенбайқызы 1988 жылы Солтүстік Қазақстан облысы Тимирязев ауылында дүниеге келген. Еңбек жолын 2011 жылы Тимирязев ауданы әкімі аппаратында бастаған. Әр жылдары мемлекеттік мекемелерде және жеке секторда түрлі қызметтер атқарған.
Осы тағайындауға дейін Тимирязев ауданы әкімі аппаратының ұйымдастыру-бақылау мәселелері жөніндегі құрылымдық бөлімшесінің басшысы қызметін атқарды.
