2026 жылғы 5 наурызда Бородулиха аудандық мәслихатының төрағасы Урашева Сәуле Тұрсынқызы, аудандық мәслихат депутаты Кудушев Айтуған Ғабдулғазизұлы және «AMANAT» партиясы аудандық филиалының атқарушы хатшысы Конорбаев Эльдар Төлегенұлы Камышенка ауылының шаруа қожалықтарының басшыларымен кездесті.
Кездесу барысында қатысушыларға алдағы референдум туралы ақпарат беріліп, еліміздің Конституциясына ұсынылып отырған өзгерістер мен толықтырулар түсіндірілді. Барша тұрғындар өздерінің азаматтық құқығын пайдаланып, 15 наурыз күні сайлау учаскесіне келіп, азаматтық ұстанымын білдіруге және дұрыс таңдау жасауға шақырылды.
«Бізге еліміздің тағдыры бейжай емес. Біз қабылдайтын шешімдер біздің және балаларымыз бен немерелеріміздің болашағына әсер етеді», – деп атап өтті Сәуле Тұрсынқызы.
Кездесу соңында қатысушыларға алғыс айтылып, келе жатқан Халықаралық әйелдер күнімен құттықтау жолданды. Баршаға мықты денсаулық, бейбіт аспан, еліміздің әрі қарай дамуы мен өркендеуі тіленді.
