Түркістан қаласында «Шаңырақ» жастар мен жас отбасыларды қолдау орталығы» қоғамдық бірлестігінің ұйымдастыруымен жүзеге асқан «Жалпыұлттық құндылық – ел дамуы» жобасының қорытынды кезеңі жоғары деңгейде өтті.
2026 жылдың 30 наурызы мен 30 мамыры аралығында облыстың 17 аудан, қаласын қамтыған жобаға 3800-ден астам азамат қатысып, ұлттық мұра мен рухани құндылықтарды ұлықтауға өз үлестерін қосты.
Облыстық деңгейдегі байқауда Созақ ауданы үздік өнерімен, мазмұнды бағдарламасымен және ұлттық құндылықтарды дәріптеудегі белсенділігімен дараланып, жүлделі І орынды иеленді.
Байқау ұлттық киім, салт-дәстүр, ұлттық ойындар, ұлттық тағам, ұлттық өнер, қолөнер және тарих пен тағылым бағыттары бойынша ұйымдастырылып, қатысушылардың ұлттық мұраға деген құрметі мен шығармашылық шеберлігі сараланды.
