2026 жылдың 9 маусымында жергілікті әкімдіктің бастамасымен «Заң мен тәртіп» тұжырымдамасы шеңберінде арнайы рейд ұйымдастырылды. Шараның басты мақсаты – ерекше назарды қажет ететін отбасылардың тыныс-тіршілігін тексеру және балалардың жазғы лагерьлерге тартылуын қамтамасыз ету.
Бұл шараға аудан әкімінің орынбасары әрі кәмелетке толмағандар ісі және олардың құқықтық мүдделерін қорғау комиссиясының жетекшісі Анар Садыққызы Ахметова басшылық етті. Сондай-ақ шараға Отбасыны қолдау орталығының басшысы Жәмила Қожамұратқызы Қалымбетова, жергілікті полиция бөлімінің жасөспірімдер ісі жөніндегі аға инспекторы Досжан Дәулетжанұлы Байдалиев және білім саласының қызметкерлері жұмылдырылды.
Жұмыс тобы аталған санаттағы үйлерді аралап, тұрғындардың тұрмыстық-әлеуметтік ахуалын көзбен көрді. Тексеріс барысында балалардың амандығы, оларға беріліп жатқан тәрбие, сонымен қатар жазғы демалыс кезеңінде ұл-қыздардың уақытын пайдалы әрі қызықты өткізуін қамтамасыз ету мәселелері жіті қаралды.
Бұдан бөлек, ересектермен алдын алу әңгімелері жүргізіліп, бала құқығын сақтау, заң бұзушылықтардың жолын кесу және қауіпсіздік ережелерін бұлжытпай орындау бойынша нақты нұсқаулықтар мен кеңестер берілді.
Көреген ұрпақ тәрбиелеп, олардың қауіпсіз ортада өсуіне жағдай жасау – қоғамның бірлескен жауапкершілігі. Балалардың бақытты әрі аман болуы – мемлекетіміздің жарқын болашағының кепілі.
