Пахомова Наталья Васильевна – өңірдің санитариялық-эпидемиологиялық әл-ауқатын қамтамасыз ету ісіне өмірінің көптеген жылдарын арнаған санитариялық-эпидемиологиялық қызметтің тәжірибелі маманы.
Наталья Васильевна өзінің кәсіби жолын 1987 жылы Чита медициналық училищесін «Санитариялық фельдшер» мамандығы бойынша тәмамдағаннан кейін бастады. Еңбек жолын Павлодар орталық аудандық ауруханасында медициналық мейіргер ретінде бастағанымен, көп ұзамай тағдырын санитариялық-эпидемиологиялық қызметпен байланыстырды және осы салаға бүкіл кәсіби қызметін арнап келеді.
Отыз тоғыз жылдан астам еңбек өтілі мен жиырма үш жылдан астам мемлекеттік қызметі оның таңдаған кәсібіне адалдығын, жоғары жауапкершілігін және мінсіз кәсібилігін айқын көрсетеді.
Көптеген жылдар бойы ол профилактикалық және эпидемияға қарсы іс-шараларды ұйымдастыруға және өткізуге белсенді қатысып келеді, аса қауіпті инфекциялар мен туберкулезге бақылау жүргізіп, аурулардың алдын алуға және өңір тұрғындарының денсаулығын сақтауға елеулі үлес қосуда.
Санитариялық-эпидемиологиялық қызметті дамытуға қосқан елеулі үлесі мен көп жылғы адал еңбегі үшін Наталья Васильевна «Қазақстан Тәуелсіздігіне 30 жыл» мерейтойлық медалімен марапатталған.
Терең кәсіби білімі, жоғары құзыреттілігі, принципшілдігі және өз жұмысына деген адал көзқарасының арқасында Наталья Васильевна әріптестерінің шынайы құрметіне және басшылықтың жоғары бағасына ие болды.
