Ұжымдық рухты нығайту, өзара іс-қимыл дағдыларын дамыту және қолайлы моральдық-психологиялық ахуал қалыптастыру мақсатында Көксу ауданында «Сенім. Шешім. Нәтиже» атты командалық іс-шара ұйымдастырылды.
Тимбилдингтің негізгі мақсаты – әріптестер арасындағы сенім мен өзара қолдауды нығайту, коммуникациялық дағдыларды жетілдіру, шектеулі уақыт жағдайында шешім қабылдау қабілетін дамыту, сондай-ақ кәсіби күйзелістің алдын алу болды.
Қатысушылар көшбасшылық қасиеттерді, күйзеліске төзімділікті, ұжымда жұмыс істеу және түрлі жағдайларда тиімді әрекет ету дағдыларын дамытуға бағытталған практикалық тапсырмаларға қатысты. Бағдарлама аясында командалық үйлесімділікті арттыруға, кедергілерді еңсеруге, түрлі жағдайларды модельдеуге және шектеулі ресурстар жағдайында шешім қабылдауға арналған жаттығулар өткізілді.
Іс-шара қорытындысы бойынша қатысушылар жоғары ұйымшылдық пен өзара қолдау деңгейін көрсетті. Өткізілген жаттығулар ұжым ішіндегі сенімді қарым-қатынасты нығайтып, жұмыс атмосферасына оң әсерін тигізді.
