2026 жылғы 11 маусым күні Қаражиде ауылында ардагерлер ұйымының кезекті жиыны өтті. Жиын барысында ардагерлер ұйымының атқарған жұмыстары талқыланып, алдағы кезеңге арналған міндеттер мен жоспарлар қарастырылды.
Кездесуде ауылдың қоғамдық өміріне қатысты өзекті мәселелер қозғалып, ардагерлердің ұсыныс-пікірлері тыңдалды. Сонымен қатар, жастарға патриоттық тәрбие беру, ұлттық құндылықтарды насихаттау және ауылдың қоғамдық-саяси өміріне белсенді қатысу бағытындағы жұмыстар жөнінде пікір алмасу өтті.
Жиын соңында ардагерлер ұйымының алдағы уақытта атқаратын іс-шаралары нақтыланып, ауылдың дамуына үлес қосуға бағытталған бастамаларды бірлесіп жүзеге асыру жөнінде келісімге келінді. Ардагерлер қоғамдағы бірлік пен тұрақтылықты нығайту жолындағы жұмыстарды жалғастырудың маңыздылығын атап өтті.
