Мемлекеттік органдар қызметкерлері арасында салауатты өмір салтын қалыптастыру және темекі шегудің зияны туралы ақпараттандыру мақсатында «Темекі шегуге қарсы күрес және оның алдын алу» тақырыбында семинар ұйымдастырылды.
Іс-шара барысында қатысушыларға темекі өнімдерін тұтынудың адам денсаулығына тигізетін кері әсері, никотинге тәуелділіктің салдары, сондай-ақ темекі шегудің алдын алу шаралары туралы жан-жақты мәлімет берілді. Сонымен қатар, темекі шегуден бас тартудың артықшылықтары мен денсаулықты нығайтудың тиімді жолдары талқыланды.
Семинар барысында қатысушылар арасында пікір алмасу ұйымдастырылып, зиянды әдеттердің алдын алу және салауатты өмір салтын ұстанудың маңыздылығы жөнінде түсіндіру жұмыстары жүргізілді.
Аталған іс-шара мемлекеттік қызметшілердің денсаулығын сақтау, еңбек өнімділігін арттыру және темекі түтінінен таза жұмыс ортасын қалыптастыруға бағытталған.
Семинар соңында қатысушылар өздерін қызықтырған сұрақтарына жауап алып, темекі шегудің алдын алу бойынша ұсыныстармен танысты.
