Бүгін Жылыой ауданы жұмыспен қамту және әлеуметтік бағдарламалар бөлімінің басшысы лауазымына Құбаев Ержан Ғиниятұлы тағайындалды.
Ержан Ғиниятұлы 1994 жылы 26 маусымда Атырау облысы Махамбет ауданында дүниеге келген. Ұлты қазақ. Білімі жоғары. 2016 жылы - Абай атындағы Қазақ Ұлттық Педагогикалық Университетінен «тарих» мамандығы бойынша білім алған.
2020 жылы - Қазақстанның инновациялық және телекоммуникациялық жүйелер университетінен «құқықтану» мамандығын иеленген.
Мемлекеттік қызметтегі еңбек жолын 2016 жылы Атырау қалалық мұрағатында «мұрағатшы» болып бастаған.
2017 жылы Атырау қалалық білім бөлімінің балалардың құқығын қорғау және қорғаншылыққа алу жөніндегі секторының бас маманы болып бастады.
2017-2020 жылдары Атырау облысы Жұмыспен қамтуды үйлестіру және әлеуметтік бағдарламалар басқармасыбас маманы қызметінде жалғастырды.
2020-2024 жылдар аралығында Атырау облысы әкімінің аппараты ұйымдастыру-инспекторлық бөлімінің бас маманы қызметін атқарды.
2024-2026 жылдары Мақат ауданы әкімі аппаратында әкім кеңесшісі болған.
16.03.2026 жылдан бастап осы уақытқа дейін Жылыой ауданы әкімінің бас инспекторы қызметін атқарып келді.
