Адам құқықтары жөніндегі уәкілдің Ақмола облысы бойынша өкілі Гүлнар Жанбекова Ақмола облысы әкімінің орынбасары Алтынай Әмренова өткізген азаматтарды бірлесіп қабылдау шарасына қатысты. Өңір тұрғындары өтініштерінің негізгі тақырыбы денсаулық сақтау саласының мәселелері және азаматтардың сапалы медициналық көмек алуға құқықтарын қамтамасыз ету болды. Қабылдау барысында облыс тұрғындарының дәрі-дәрмекпен қамтамасыз етуге, ауылдық жерлердегі медициналық қызметтердің сапасына, шипажайлық-курорттық емделуге жолдау тәртібіне, сондай-ақ мүгедектігі бар пациенттердің құқықтарын қорғауға қатысты өтініштері тыңдалды. Әрбір өтініш бойынша заңнаманың егжей-тегжейлі түсіндірмелері беріліп, бейінді ведомстволарға көтерілген мәселелерді шешу бойынша жедел шаралар қабылдау жүктелді. Адам құқықтары жөніндегі уәкіл өкілінің мұндай іс-шараларға қатысуы азаматтардың денсаулығын сақтауға арналған конституциялық құқықтарының сақталуын тәуелсіз бақылауды қамтамасыз етеді. Бірлескен қабылдаулар өңірлік денсаулық сақтау саласындағы жүйелі мәселелерге жедел әрекет етуге мүмкіндік береді және құқық қорғау институттары, атқарушы органдар мен халық арасындағы тиімді өзара іс-қимылды нығайтады.
