Халықаралық балаларды қорғау күніне орайластырылған іс-шаралар аясында Адам құқықтары жөніндегі уәкіл жанындағы «Еркіндік Рухы» Жастар құқықтары жөніндегі комиссияның мүшесі Аяулым Дарханбек өмірлік қиын жағдайда жүрген әйелдер мен балаларға арнап ойын орталығына баруды ұйымдастырды. Балалар үшін бұл күн нағыз мерекеге айналды: олар ойнауға, жарқын жағымды эмоциялар алуға және жақсы көңіл-күйге кенелуге мүмкіндік алды. Іс-шара қуаныш, қамқорлық пен ықылас атмосферасын қалыптастыруға септігін тигізді. Аналар үшін балаларымен бірге жылы әрі достық жағдайда уақыт өткізуге мүмкіндік жасалды, бұл отбасылық байланыстарды нығайтуға және эмоционалдық қолдау көрсетуге ықпал етті. Іс-шара барысында бала құқықтарын қорғау, отбасылық құндылықтарды нығайту және балалардың әл-ауқатын қамтамасыз ету мәселелері бойынша ақпараттық-түсіндіру жұмыстары жүргізілді. Отбасын қолдау, балалардың дамуы мен әл-ауқатына жағдай жасау, сондай-ақ олардың бос уақытын мазмұнды ұйымдастыру бала құқықтарын қорғауға бағытталған қызметтің маңызды бөлігі болып табылады.
