2026 жылғы 10 маусымда аудан әкімінің орынбасары Аманжолов Ерлан Қуанышұлы аудандық кәсіпкерлік бөлімінің ұжымына «Солтүстік Қазақстан облысы Ғабит Мүсірепов атындағы аудан әкімдігінің кәсіпкерлік бөлімі» КММ жаңа басшысы-ішкі конкурс қорытындысы бойынша аудан әкімінің өкімімен тағайындалған Берік Төлегенұлы Дүйсекеевті таныстырды.
Берік Төлегенұлы 1987 жылы Солтүстік Қазақстан облысы, Ақжар ауданы, Колос ауылында дүниеге келген.
Жоғары білімі бар, 2021 жылы Абай Мырзахметов атындағы Көкшетау университетін «Қаржы» мамандығы бойынша бітірген.
Еңбек жолын 2010 жылы Ғабит Мүсірепов атындағы ауданның Гаршин ауылдық округі әкімі аппаратының бухгалтерия және әскери-есептік үстел бойынша жетекші маманы болып бастады, 2012 жылдың 17 қыркүйегіне дейін жұмыс істеді.
2012-2024 жылдар аралығында ауданның қаржы және экономикалық құрылымдарында әртүрлі лауазымдарда қызмет атқарды.
2024 жылдың қаңтар айынан бастап осы тағайындауға дейін Ғабит Мүсірепов атындағы ауданның экономика және қаржы бөлімі басшысының орынбасары қызметін атқарды.
