Балалардың терезеден құлау фактілерінің алдын алу және ата-аналардың қауіпсіздікке қатысты жауапкершілігін арттыру мақсатында Төтенше жағдайлар қызметі өкілдерімен бірлесіп көпқабатты тұрғын үйлердің аулаларында түсіндіру-профилактикалық жұмыстары жүргізілді.
Іс-шара барысында тұрғындарға балалар қауіпсіздігін қамтамасыз ету, терезелерге арнайы қорғаныс құрылғыларын орнату, кәмелетке толмағандарды қараусыз қалдырмау жөнінде түсіндірме беріліп, ақпараттық жадынамалар таратылды.
Мамандар тұрғындарды қауіпсіздік талаптарын қатаң сақтауға шақырып, балалардың өмірі мен денсаулығын қорғау әрбір ата-ананың басты міндеті екенін ескертті.
Құрметті ата-аналар! Балаларды қараусыз қалдырмаңыздар, терезе маңына жиһаз орналастырмаңыздар және терезелерге қорғаныс бекіткіштерін орнатыңыздар. Қарапайым қауіпсіздік шаралары қайғылы оқиғалардың алдын алуға көмектеседі.
