2026 жылғы 4 маусымда Нұрсұлтан Назарбаев халықаралық әуежайында Көліктегі санитариялық-эпидемиологиялық бақылау департаменті ұйымдастырған карантиндік және аса қауіпті инфекцияларға күдікті науқас анықталған жағдайда әрекет ету бойынша оқу-жаттығуға Астана қаласының санитариялық-эпидемиологиялық бақылау департаментінің мамандары қатысты.
Оқу-жаттығу барысында бекітілген құлақтандыру схемасы бойынша тиісті қызметтер жұмылдырылды. Шартты науқасты әуежайдың изоляторына оқшаулау, жедел медициналық жәрдем бригадасының фельдшері мен қаланың инфекционист-консультанттарының тексеруі, эпидемиологиялық анамнез жинауы, байланыста болған тұлғаларды анықтау және олармен жұмыс жүргізу, науқасты қаланың инфекциялық стационарына жатқызу, сондай-ақ Ұлттық сараптама орталығы филиалының мамандарымен қорытынды дезинфекция жүргізу іс-шаралары көрсетіліп, пысықталды.
