Елордадағы Ататүрік саябағында «Заң мен тәртіп» тұжырымдамасын және 2026–2028 жылдарға арналған есірткі қылмысына қарсы іс-қимыл жөніндегі іс-шаралар жоспарын іске асыру аясында «Астана – есірткісіз қала!» ұранымен жаппай жүгіру жарысы өтті.
Іс-шараның мақсаты – қала жастарын салауатты өмір салтын ұстануға тарту, белсенді азаматтық ұстанымды қалыптастыру және есірткі құқық бұзушылықтарының алдын алуға бағытталған бастамаларды қолдау. Мұндай акциялар спортты кеңінен насихаттауға, сондай-ақ қоғамда денсаулық пен қауіпсіздік құндылықтарын нығайтуға ықпал етеді.
Жарысқа елорданың спортшылары мен белсенді жастарынан құралған 300-ге жуық қатысушы қатысып, салауатты өмір салты қағидаттарын және есірткі қатеріне төзбеушілік идеясын қолдайтындарын білдірді.
Іс-шараны ұйымдастырушы – Астана қаласы Полиция департаментінің Есірткі қылмысына қарсы іс-қимыл басқармасы.
