Өнеркәсіп кәсіпорындарынан нақты жөнелтілімдер көлемі бойынша Шығыс Қазақстан облысы елімізде көшбасшы атанды, деп хабарлайды Exclusive.kz сайты ( http://exclusive.kz/) Ұлттық статистика бюросы жүргізген зерттеуге сілтеме жасап.
БҰҰ әдістемесі бойынша жасалған талдау кедендік және экспорттық деректердің зауыттардан іс жүзінде жөнелтілген өнім көлемінің шынайы көрінісін сипаттамайтынын көрсетті. Бұл, әсіресе, Алматы мен Астана қалаларына қатысты. Ал ШҚО бірден екі сатыға жоғарылап, рейтингте 1 орынға шықты.
«Нақты жөнелтілімдер негізінде қайта есептеудің арқасында ШҚО рейтингте көш бастады. Бұдан кейінгі орындарға Қарағанды және Павлодар облыстары жайғасты. Яғни, аталған өңірлердегі көмір өндіру мен металлургия салаларының есебінен Қазақстанның индустриялық өзегі өз үстемдігін сақтап қалды», — деп түсіндірді сарапшылар.
Олардың мәліметінше, Шығыс Қазақстан облысы металды күрделі өңдеу секторында ең көп нақты өндірістік активтерге ие екенін көрсеткен.
