2026 жылғы 8 маусымда Атырау облысы Төтенше жағдайлар департаментінің бастығы, азаматтық қорғау полковнигі Жанабаев Нұрлан Мақсұтұлы Департаменттің Төтенше жағдайларды жою басқармасының бастығы лауазымына азаматтық қорғау подполковнигі Құспанғалиев Айбек Нұрбекұлын тағайындады.
Құспанғалиев Айбек Нұрбекұлы 1993 жылғы 4 ақпанда Атырау облысы Индер ауданында дүниеге келген. 2014 жылы Қазақстан Республикасы Төтенше жағдайлар министрлігінің Көкшетау техникалық институтын «Өрт қауіпсіздігі» мамандығы бойынша тәмамдаған.
Еңбек жолын 2014 жылы Атырау облысы Төтенше жағдайлар департаменті Атырау қалалық өрт сөндіру жасағының №2 өрт сөндіру бөлімінің қарауыл бастығы лауазымынан бастаған.
Жаңа лауазымға тағайындалғанға дейін Атырау қаласы Төтенше жағдайлар басқармасы бастығының орынбасары қызметін атқарған.
