«Орталыққазжерқойнауы» ӨД РММ-де 09.06.2026 жылы сыбайлас жемқорлыққа қарсы іс-қимыл мәселелері бойынша семинар өткізілді. Іс-шара барысында қатысушыларға Қазақстан Республикасы Президенті Қасым-Жомарт Тоқаевтың 2019 жылғы сайлауалды бағдарламасында көрініс тапқан сыбайлас жемқорлыққа қарсы күрес саласындағы мемлекеттік саясаттың басым бағыттары туралы айтылды.
Семинар барысында сыбайлас жемқорлыққа қарсы заңнаманы жетілдіру мен жаңарту мәселелеріне, сондай-ақ қоғамда адалдық, әділдік және сыбайлас жемқорлық көріністеріне мүлдем төзбеушілік қағидаттарын қалыптастыруға ерекше назар аударылды. Жастар арасында сыбайлас жемқорлыққа қарсы мәдениет пен азаматтық жауапкершілікті тәрбиелеу маңызды бағыттардың бірі ретінде атап өтілді.
Осындай іс-шараларды өткізу құқықтық сауаттылықты арттыруға және қоғамда адалдық қағидаттарын нығайтуға ықпал етеді.
