ХАЛЫҚТЫ ДӘРІЛІК ЗАТТАРМЕН ҚАМТАМАСЫЗ ЕТУ ТУРАЛЫ
💊 Тегін дәрілік заттарды алуға кімнің құқығы бар?
Қазақстан Республикасының белгілі бір аурулары бар азаматтарының жекелеген санаттары Тегін медициналық көмектің кепілдік берілген көлемі (ТМККК) және Міндетті әлеуметтік медициналық сақтандыру (МӘМС) жүйесі шеңберінде дәрілік заттармен және медициналық бұйымдармен тегін немесе жеңілдікпен қамтамасыз етіледі.
📋 Дәрілік заттарды қалай тегін алуға болады?
Дәрілік заттар белгіленген тәртіпте рәсімделген дәрігердің рецепті бойынша беріледі.
Пациенттердің жекелеген санаттарын қамтамасыз ету
🔹 Туберкулезбен ауыратын пациенттер
Дәрілік заттармен алғашқы медициналық-санитариялық көмек көрсететін медициналық ұйымдардың химизатор кабинеттері арқылы қамтамасыз етіледі.
🔹 АИТВ-инфекциясымен өмір сүретін пациенттер
Антиретровирустық препараттармен мамандандырылған медициналық ұйымдар арқылы қамтамасыз етіледі. Облыс орталығынан шалғай орналасқан елді мекендерде бұл препараттар алғашқы медициналық-санитариялық көмек көрсететін ұйымдар арқылы берілуі мүмкін.
🔹 Опиоид агонистерімен демеуші терапия алатын пациенттер
Психикалық денсаулық саласында мамандандырылған медициналық ұйымдар арқылы дәрілік заттармен қамтамасыз етіледі.
🔹 Онкологиялық аурулары бар пациенттер
Таргеттік препараттармен онкологиялық көмек көрсететін медициналық ұйымдар арқылы қамтамасыз етіледі.
🔹 Инфузиялық терапияны қажет ететін пациенттер
Дәрілік препараттарды медицина қызметкерінің бақылауымен емшара кабинеттерінде немесе амбулаториялық химиотерапия кабинеттерінде алады.
Білу маңызды!
✅ Медициналық ұйымдарда Қазақстан Республикасында тіркелген дәрілік заттар мен медициналық бұйымдар ғана пайдаланылады.
✅ Дәрілік заттарды тағайындау клиникалық хаттамалар мен дәрілік формулярларға сәйкес дәрігердің шешімі бойынша жүзеге асырылады.
✅ Дәрілік заттың атауы халықаралық патенттелмеген атауы (ХПА) бойынша көрсетіледі.
✅ Пациенттің жеке көтере алмаушылығы болған жағдайда дәрілік затты саудалық атауы бойынша тағайындауға жол беріледі.
