5 маусымда Саран қалалық мәслихатының кезекті XXXVI сессиясын өтті. Сессия жұмысына қала әкімінің орынбасары, Ақтас кентінің әкімі, ТЖ бөлімінің басшысы, Ардагерлер кеңесінің төрағасы, сондай-ақ мемлекеттік мекемелер мен кәсіпорындардың басшылары қатысты.
Бекітілген күн тәртібіне сәйкес депутаттар Ақтас кентінің 2025 жылға арналған қалалық бюджеті мен бюджетін атқару мәселелерін қарады. Аталған мәселелер бойынша уәкілетті органдардың есептері тыңдалды, бюджеттердің атқарылу нәтижелеріне баға берілді және тиісті шешімдер қабылданды.
Саран қаласы мен Ақтас кентінде 2025-2026 жылдардағы жылыту маусымының қорытындыларына ерекше назар аударылды. Талқылау барысында жылумен жабдықтау жүйелерінің жұмыс істеу мәселелері, сондай-ақ халықты және әлеуметтік сала объектілерін үздіксіз жылумен жабдықтауды қамтамасыз ету үшін іске асырылған шаралар қаралды. Қарау қорытындысы бойынша 2026-2027 жылдардағы жылыту маусымына дайындық бойынша іс-шаралар кешені бекітілді.
Сонымен қатар, депутаттар Саран қаласының 2026-2030 жылдарға арналған даму жоспарына қаланың әлеуметтік-экономикалық дамуының нысаналы көрсеткіштері мен міндеттерін өзектендіруге бағытталған өзгерістер мен толықтыруларды қарады. Сондай-ақ, учаскелік сайлау комиссияларының құрамына өзгерістер енгізілді.
Отырыс соңында Саран қалалық мәслихатының кезекті XXXVII сессиясының күн тәртібі бекітілді.
Күн тәртібіндегі барлық мәселелер бойынша тиісті шешімдер қабылданды.
