2026 жылғы 03 маусымда сағат 15:00-де Жданов мектебінің ғимаратында Қостанай ауданының әкімі Нұрғалиев О.Ж.-ның Жданов ауылдық округінің тұрғындарымен кездесуі өтті.
Кездесу барысында аумақтың әлеуметтік-экономикалық дамуы, инженерлік және әлеуметтік инфрақұрылымның жай-күйі, сондай-ақ тұрғындардың өмір сүру сапасын арттыруға бағытталған жоспарланған жобаларды іске асыру мәселелері талқыланды.
Аудан әкімі ауылдық округті дамыту бағытында атқарылып жатқан жұмыстар туралы ақпарат беріп, алдағы кезеңдегі негізгі басымдықтарды атап өтті және тұрғындардың сұрақтарына жауап берді.
Ауылдық округ әкімдерінің сайлауының қорытындысына сәйкес Нұрғалиев О.Ж. Қостанай ауданының Жданов ауылдық округінің жаңадан сайланған әкімін тұрғындарға таныстырды. Жаңа басшының елді мекенді одан әрі дамыту, жергілікті маңызы бар өзекті мәселелерді шешу және жоспарланған жобаларды жүзеге асыру жұмыстарын жалғастыратыны атап өтілді.
Кездесу қорытындысы бойынша тұрғындарға қажетті түсіндіру жұмыстары жүргізіліп, жауапты лауазымды тұлғаларға тиісті тапсырмалар берілді.
