Astana Tourism орталығы елорданың Steppe Soul Kazakhstan, Empire Kazakhstan және Kompas туроператорларымен, сондай-ақ Air Astana ұлттық әуе компаниясымен бірге SITF 2026 халықаралық туристік көрмесіне (Сеул халықаралық саяхат жәрмеңкесі) қатысуда.
Көрме барысында Қазақстан делегациясының өкілдері халықаралық туроператорлармен, туристік қауымдастықтардың, салалық ұйымдардың және қонақжайлылық индустриясының өкілдерімен 50-ден астам B2B кездесулер өткізді.
Кездесулер барысында халықаралық серіктестер, соның ішінде Кореядан келген серіктестер Астананың b-leisure (іскерлік + демалыс) және MICE туризмі (іскерлік іс-шаралар, конференциялар және көрмелер) үшін заманауи бағыт ретіндегі туристік әлеуетіне, сондай-ақ гольф туризмі, мәдени және білім беру сапарлары және іс-шара туризмі (соның ішінде Леонардо да Винчи көрмесі, Cirque du Soleil, 2026 Future Games мультиспорттық турнирі, Энрике Иглесиас концерті, Comic Con Astana халықаралық гик және поп-мәдениет фестивалі және үстел теннисі бойынша әлем чемпионаты) сияқты салаларға ерекше қызығушылық танытты.
