19–20 маусым күндері Балқаш қаласында жыл сайынғы Balkhash Tour Fest 2026 фестивалі өтеді. Аталған шара – жазғы туристік маусымның ең ауқымды әрі көпшілік асыға күтетін оқиғаларының бірі және Қазақстандағы ең ірі жазғы open-air фестивальдерінің қатарына кіреді.
Балқаш көлінің жағалауында дәстүрлі түрде өтетін фестиваль спортты, музыканы, мәдениетті, гастрономияны және белсенді демалысты біріктіреді. Жыл сайын фестивальге еліміздің әр өңірінен мыңдаған қонақтар қатысып, ол оқиғалы туризмнің танымал брендіне айналды.
Фестиваль бағдарламасында:
— үлкен сахна және хедлайнерлердің өнер көрсетуі;
— DJ-сеттер мен су жағасындағы sunset-кештер;
— спорттық турнирлер мен белсенді аймақтар;
— dance battle және street culture;
— отбасылық және балалар алаңдары;
— фудкорттар, маркеттер және демалыс аймақтары;
— байқаулар, ойын-сауық пен жазғы атмосфера.
Сонымен қатар, фестиваль аясында жүзу жарыстары, желкенді регата, кешкі шоу бағдарламалар мен гастрономиялық алаңдар ұйымдастырылады.
Биыл қонақтарды Балқаш көлінің жағасында бұрынғыдан да көп жаңа локациялар, белсенді аймақтар, жарқын әсерлер мен ұмытылмас сәттер күтеді.
Balkhash Tour Fest 2026 фестивалінің хедлайнерлері:
* Miras Zhugunussov
* AYAU
* Bellucci
* Domino
* Nurlan & Murat
* Qazaq Band
Фестивальді Қазақстан Республикасы Туризм және спорт министрлігі, Қарағанды облысының әкімдігі, Visit Karaganda және Balkhash Tour Fest командасы ұйымдастырады.
Balkhash Tour Fest фестивалі ішкі туризмді дамытуға және Балқаш қаласы мен Қарағанды облысының туристік әлеуетін ілгерілетуге бағытталған.
