Құрметті ғимараттар, құрылыстар және қоршаулар иелері!
Есірткі құқықбұзушылықтарының алдын алу мақсатында есірткі граффити деп аталатын — есірткі құралдарын насихаттайтын немесе жарнамалайтын жазуларды, суреттерді және интернет-адрестерді уақтылы анықтап, жою қажеттілігіне назар аударамыз.
Солтүстік Қазақстан облысының елді мекендерінің аумақтарын абаттандыру қағидаларына сәйкес, ғимараттардың қабырғаларына, қоршауларға, тіректерге және осы мақсатқа арналмаған басқа да нысандарға кез келген жазуларды, суреттерді, хабарландыруларды және өзге де ақпараттық мәліметтерді орналастыруға тыйым салынады.
Мұндай жазуларды жою міндеті объект иелеріне жүктеледі.
Заңсыз жазуларды уақтылы жоймағаны үшін Қазақстан Республикасының Әкімшілік құқық бұзушылық туралы кодексінің 505-бабы бойынша әкімшілік жауапкершілік қарастырылған:
ескерту немесе 20-дан 100 АЕК-ке дейін айыппұл;
қайталанған бұзушылық үшін — 30-дан 300 АЕК-ке дейін айыппұл.
Объект иелерінен өз мүліктерін жүйелі түрде қарап, есірткі граффитиді жою бойынша жедел шаралар қабылдауды сұраймыз. Тек бірлескен күш-жігер арқылы ғана есірткінің таралуының алдын алып, елді мекендеріміздің қауіпсіздігін қамтамасыз ете аламыз.
