Қарағанды облысы Төтенше жағдайлар департаментінің қызметкерлері «Қарағанды медицина университеті» КеАҚ студенттерімен «Шомылу маусымындағы қауіпсіздік және өрт қауіпсіздігі» тақырыбында дәріс өткізді. Іс-шараға Үндістаннан келген 320 шетелдік студент қамтылды.
Іс-шара барысында құтқарушылар жазғы демалыс кезіндегі қауіпсіздік шаралары туралы айтып, су айдындарындағы қауіпсіздік мәселелеріне ерекше назар аударды. Қатысушыларға суда өзін-өзі ұстау ережелері, жабдықталмаған жерлерде шомылудың қауіптілігі және төтенше жағдай туындаған кездегі іс-қимыл тәртібі түсіндірілді.
Сонымен қатар өрт қауіпсіздігі тақырыбы қозғалып, студенттерге өрттің алдын алу талаптары, өрт шыққан жағдайда әрекет ету алгоритмі, сондай-ақ ғимараттар мен жатақханалардан эвакуациялану тәртібі туралы ақпарат берді.
Мұндай профилактикалық шаралар жастар арасында қауіпсіздік мәдениетін қалыптастыруға және жазатайым оқиғалардың алдын алуға ықпал етеді.
