Әуежайда және әуе кемесінің бортында медициналық көмекті кім көрсетеді?

Ауғанстандағы жауынгерлік іс-қимыл ардагерлеріне ақылы автомобиль жолдары арқылы жеңілдікпен жол жүруді беру қолданыстағы заңнамада көзделмеген. Бүгінгі күні ҚР «Автомобиль жолдары туралы» Заңының 1-тармағының 3-тармақшасына сәйкес, ақылы автомобиль жолдарын (учаскелерін) пайдаланғаны үшін төленетін ақыдан Ұлы Отан соғысы ардагерлерінің жеңіл автомобильдері босатылады. «Автомобиль жолдары туралы» Қазақстан Республикасының 2001 жылғы 17 шілдедегі № 245 Заңы http://zan.gov.kz/rus/docs/Z010000245_

Уәкілетті орган мемлекеттік кемелер тізілімін және кеме кітабын жүргізеді, борышкер атында су көлігі болған/болмаған жағдайда тиісті ақпарат беріледі. Борышкер туралы деректер нақты уақыт режимінде КДҚ АТЖ АЖ-нде ЖСН/БСН бойынша іздеу арқылы алынады. ҚР «Iшкi су көлiгi туралы» Заңы: http://zan.gov.kz/kaz/docs/Z040000574_ ҚР «Сауда мақсатында теңізде жүзу туралы» Заңы: http://zan.gov.kz/kaz/docs/Z020000284_

Уәкілетті орган жылжымалы құрамның мемелекеттік тізілімін жүргізеді, борышкер атында жылжымалы құрам болған/болмаған жағдайда тиісті ақпарат беріледі. Борышкер туралы деректер нақты уақыт режимінде ҚДҚ АТЖ АЖ-нде ЖСН/БСН бойынша іздеу арқылы алынады. ҚР «Теміржол көлігі туралы» Заңы http://zan.gov.kz/rus/docs/Z010000266_

2025 жылы Мемлекет басшысының тапсырмасына сәйкес ел аумағында орналасқан 124 теміржол вокзалын реконструкциялау және жаңғырту бойынша ауқымды жұмыстар басталды. Аталған жоба аясында «Астана-1» вокзалы да қамтылған. Жобаны іске асыру жолаушыларға қызмет көрсету сапасын арттыруға, көлік инфрақұрылымын дамытуға, қауіпсіздікті қамтамасыз етуге және теміржол нысандарында қазіргі заманғы, қолайлы жағдайлар жасауға бағытталған. Жүргізіліп жатқан құрылыс-монтаждау жұмыстарына байланысты «Астана-1» станциясында жолаушылар пойыздарының қозғалысын ұйымдастыруға уақытша шектеулер енгізілді. Атап айтқанда, «Астана-1» станциясында жасақталатын жолаушылар пойыздарының аялдауы уақытша тоқтатылды, оның ішінде № 655/656 «Арқалық — Астана-1» жолаушылар пойызы да бар. Аталған шаралар уақытша сипатқа ие және құрылыс жұмыстары кезеңінде жолаушылар мен қызметкерлердің қауіпсіздігін қамтамасыз ету, сондай-ақ жаңғырту жобасын тиімді жүзеге асыру мақсатында енгізілуде.

Қазақстан Республикасының әуе кеңістігінде ұшқышсыз авиациялық жүйелерді пайдалану қағидаларының (бұдан әрі – БАС қағидалары) 9-бөлімінің 3 және 5-параграфтарында салмағы 25 кг-нан 750 кг-ға дейінгі ұшқышсыз ұшу аппараты бар ұшқышсыз авиациялық жүйеге отандық сериялық және шетелдік сериялық өндіріс ретінде сәйкестік сертификатын беру тәртібі сипатталған. Қазақстан Республикасының әуе кеңістігінде ұшқышсыз авиациялық жүйелерді пайдалану қағидаларының 9-бөлімінің 3 және 5-параграфтарында көрсетілген құжаттар тізбесі, сериялық отандық немесе сериялық шетелдік өндірістегі ұшқышсыз авиациялық жүйеге сәйкестік сертификатын алу және сертификаттық тексеру жүргізу үшін азаматтық авиация саласындағы уәкілетті органға eOtinish арқылы жолданады және «Қазақстанның авиациялық әкімшілігі» АҚ сайтында мына сілтеме бойынша жарияланған: https://caa.gov.kz/ru/deyatelnost/departament-bespilotnyh-aviacyonnyh-sistem/podtverzhdenie-tehnicheskogo-sootvetstviya-formy-deklaracij-i-zayavok/bas3 Сериялық отандық өндірістегі ұшқышсыз авиациялық жүйеге сәйкестік сертификатын алу және сертификаттық тексеру жүргізу үшін құжаттар тізбесі: БАС қағидаларына 25-қосымшаға сәйкес сәйкестік сертификатын алу туралы өтініш; Зауыттық, мемлекеттік және пайдаланушылық сынақтардың нәтижелері бойынша нақтыланған пайдалану құжаттамасының жинағы; Нөмірлік (борт журналы, формуляр) құжаттаманың жинағы; ҰҰА-ның жанынан және жоғарыдан түсірілген фотосуреттері; Шектеулі ресурсы бар агрегаттар тізбесі; БАС техникалық қызмет көрсету регламенті (бағдарламасы); ААӘ тарапынан қол қойылған мемлекеттік сынақтар актісі. Сериялық шетелдік өндірістегі ұшқышсыз авиациялық жүйеге сәйкестік сертификатын алу және сертификаттық тексеру жүргізу үшін құжаттар тізбесі: Сәйкестік сертификатын алу туралы өтініш; Зауыттық, мемлекеттік және пайдаланушылық сынақтардың нәтижелері бойынша нақтыланған пайдалану құжаттамасының жинағы; Нөмірлік (борт журналы, формуляр) құжаттаманың жинағы; БАС-тың мына талаптарға сәйкестігін растайтын құжаттар (Еуразиялық экономикалық одаққа мүше мемлекеттер немесе дайындаушы мемлекеттің стандарттары, директивалары, қағидалары, техникалық регламенттері): электромагниттік үйлесімділік талаптарына және жиілік спектрін дұрыс пайдалану талаптарына сәйкестігі; дыбыс және бейне жабдықтарының қауіпсіздік талаптарына сәйкестігі (бар болса); электрондық және/немесе электротехникалық жабдықтардың электромагниттік өрісінің адам ағзасына әсер етуіне қатысты талаптарға сәйкестігі (бар болса); химиялық заттарды пайдалануға шектеулерге қатысты талаптарға сәйкестігі (бар болса); қазақ, орыс немесе ағылшын тілінде. Егер жоғарыда көрсетілген тілдерде құжаттар болмаған жағдайда, өтініш беруші өндірушінің түпнұсқа құжатын және нотариалды куәландырылған қазақ, орыс немесе ағылшын тіліндегі аудармасын ұсынады; ҰҰА-ның жанынан және жоғарыдан түсірілген фотосуреттері; Шектеулі ресурсы бар агрегаттар тізбесі.

Әуе кемелерінің ұшу қауіпсіздігіне қауіп төндіруі мүмкін қызметті жүзеге асыруға рұқсат алу үшін өтінімге келесі құжаттар қоса беріледі: Құрылыс салу, орнату, орналастыру, кеңейту, қайта жаңарту немесе техникалық қайта жарақтандыру, электр беру желілері мен өзге де құрылыстарды орнату бойынша (әуе кемелерінің ұшу қауіпсіздігіне қауіп төндіруі мүмкін қызметті жүзеге асыруға рұқсат беру қағидаларының (бұдан әрі – Қағидалар) 7-тармағының 1), 2), 3), 4), 5) тармақшаларына сәйкес): – объектілер тізімі, олардың ұзындығы мен мақсаты туралы мәліметтер; – WGS–84 координаттар жүйесінде объектінің көлденең жазықтықтағы орналасуы туралы мәліметтер; – объектінің тік жазықтықтағы орналасуы туралы мәліметтер: объектінің биіктігі және оның орналасқан жерінің теңіз деңгейінен биіктігі немесе объектінің ең биік нүктесінің теңіз деңгейінен асуы (WGS–84 жүйесі бойынша); – объектінің орналасуы мен биіктігіне қатысты мәліметтердің көзі туралы ақпарат; – көлденең және тік координаталар жүйесіндегі мәліметтердің дәлдігі; – объектілер салынатын аумақты, қалаға немесе елді мекенге байланысын және әуежай маңындағы аумақтар үшін КТА-ға дейінгі қашықтықты көрсететін карта; – электр беру желілерінің кернеуі туралы мәліметтер; – байланыс және электр беру желілерінің биіктігі (соның ішінде бұрылу нүктелері, су айдындары, өзендер, теміржол немесе автокөлік жолдары арқылы өтетін бөліктер); – рельефті ескере отырып, жер бетінің абсолюттік белгілері мен масштабтары көрсетілген, жарық бағыттарына бағдарланған электр беру желілерінің трассасы жоспары (WGS–84 жүйесінде); – рельефті ескере отырып, жер бетінің абсолюттік белгілері мен масштабтары көрсетілген, жарық бағыттарына бағдарланған объектілер мен кедергілердің ұзындығы бойынша жоспары (WGS–84 жүйесінде). Аталған мәліметтер мен бағалаулар Қағидалардың 5-тармағына сәйкес техникалық және (немесе) технологиялық жағынан күрделі объектілер үшін I санаттағы лицензиясы бар жобалау ұйымдарымен дайындалады (Қазақстан Республикасының «Қазақстан Республикасындағы сәулет, қала құрылысы және құрылыс қызметі туралы» Заңының 32-бабына сәйкес). Әуе кеңістігінде радиотолқындық, көрінетін, акустикалық және өзге де сәулелену түрлерін туындататын жұмыстарды орындау үшін: – учаскенің бастапқы және соңғы нүктелері мен бүкіл трассаның атауы (өңірі мен ауданы көрсетіледі); – радиосәулелендіргіш құрылғылардың мақсаты, жұмыс жиіліктері, сәулелену жолағының ені, модуляция түрі, қуаты, сәулеленудің бағыттылығы және диаграмма ені, антенналық құрылғылардың іліну биіктігі туралы мәліметтер. Құстардың жаппай жиналуына немесе ұшу көрінуінің төмендеуіне әкеп соғатын объектілерді орналастыру үшін: – объектінің орналасқан жері, КТА-ға дейінгі қашықтығы туралы мәліметтер; – қызмет түрі сипатталады және құстар мен жануарлар үшін объектіні тартымсыз етуге бағытталған шарттар көрсетіледі. Тікелей әуе кеңістігінде материалдық объектілердің қозғалысына байланысты емес, бірақ әуе кемелерінің, олардың жабдықтарының және борттағы адамдардың ұшу қауіпсіздігіне әсер ететін өзге де қызмет түрлерін жүзеге асыру үшін: – мұндай қызметті жүзеге асыру тәртібі мен шарттары туралы мәліметтер ұсынылады.

1, 2 немесе 3 санаттағы пилотсыз авиациялық жүйелер операторы сертификатын алу мақсатында өтініш беруші азаматтық авиация саласындағы уәкілетті органмен келісілген бағдарламаларға сәйкес тиісті санаттағы пилотсыз авиациялық жүйелер операторларын бастапқы теориялық және/немесе практикалық даярлаудан өтеді. Тиісті санаттағы пилотсыз авиациялық жүйелер операторларын бастапқы теориялық және/немесе практикалық даярлау бағдарламаларын келіскен ұйымдардың тізімі АО «Қазақстанның авиациялық әкімшілігі» сайтында https://caa.gov.kz/ru/obuchenie-bas https://caa.gov.kz/ru/obuchenie-bas сілтемесі бойынша жарияланған, онда ұйымдардың атауы, байланыс деректері және пилотсыз авиациялық жүйелер операторларын даярлау бағдарламалары көрсетілген. Пилотсыз авиациялық жүйелер операторы сертификаттарын беру тәртібі Қазақстан Республикасының әуе кеңістігінде пилотсыз авиациялық жүйелерді пайдалану қағидаларының 3-бөлімінің 2-параграфында айқындалған. Құжаттарды қарау мерзімі – 15 күнтізбелік күн.

Қазақстан Республикасының қолданыстағы заңнамасына сәйкес, мүгедектігі бар жолаушылар мен оларды ертіп жүретін адамдарға әуе тасымалдарына жеңілдіктер беру қарастырылмаған. Air Astana , Fly Arystan , SCAT және Qazaq Air сияқты отандық әуе компаниялары мүгедектігі бар жолаушылар мен оларды ертіп жүретін тұлғаларға жеңілдіктерді өз қалауы бойынша ұсынады. Анықтама үшін: «SCAT» АҚ – ішкі тұрақты рейстерде (субсидияланатын рейстерден басқа): – 100% жеңілдік – мүгедектігі бар балаларға; – 100% жеңілдік – 1-топ мүгедектеріне; – 50% жеңілдік – 2-топ мүгедектеріне, F-класс арнайы тарифінен есептеледі; Аэропорттық және сервис алымдары қосымша төленеді. Сүйемелдеуші тұлға билет ресімделу сәтіндегі қолжетімді тариф бойынша төлейді. Анықтама: жеңілдікпен билетті ресімдеу тек «SCAT» әуе компаниясының өкілдіктерінде растайтын құжаттарды көрсету арқылы жүзеге асырылады. «Qazaq Air» АҚ : – 100% жеңілдік – ауыр науқас балаларға, 2 жастан 17 жасқа дейінгі мүгедек балаларға және оларды ертіп жүретін тұлғаға, егер ұшу емделуге/тексеруге байланысты болса; – 50% жеңілдік – мүгедектігі бар жолаушыларға жеке сапарлар үшін; Анықтама: жеңілдік тарифтер бойынша өтінімдер әуе компаниясының ресми өкілдіктерінде немесе [email protected] электрондық поштасына жіберіледі. Растайтын құжаттар міндетті түрде ұсынылуы тиіс. «Air Astana» АҚ : – 100% жеңілдік – ҚР азаматтық авиациясының ардагерлеріне шетелде емделу үшін; – 100% жеңілдік – Ұлы Отан соғысының ардагерлері мен мүгедектеріне ішкі бағыттар мен ТМД елдеріне; – 100% жеңілдік – аз қамтылған отбасылардан шыққан, Қазақстанда емделуі мүмкін емес онкологиялық және жүрек-қан тамырлары аурулары бар балаларға, егер олар емдеуге немесе операцияға ұшса; Анықтама: жеңілдік тарифтер бойынша өтінімдер help.airastana.com порталы арқылы қабылданады. «Fly Arystan» – «Komek» жобасы аясында: – 50% жеңілдік – 1-топ мүгедектеріне (акциялық тарифтерден басқа); – 50% жеңілдік – бір еріп жүретін тұлғаға; Анықтама: сұраныстарды [email protected] электрондық поштасына жіберу ұсынылады. Сонымен қатар, қазіргі уақытта мүгедектігі бар адамдарға жеңілдіктерді заңнамалық деңгейде бекіту мақсатында нормативтік құқықтық актілерге тиісті өзгерістер енгізу мәселесі қарастырылуда.