Ұлытау облысның ауыл шаруашылығы және жер қатынастары басқармасы
Можно ли получить земельный участок в аренду?
Иә, Қазақстанда жер учаскесін жалға алуға (пайдалануға) болады.
Жер учаскесін жалға алу — жерді уақытша пайдалану құқығы, бірақ жер мемлекеттің немесе басқа меншік иесінің меншігінде қалады.
2. Шарт жасау
3. Тіркеу
Жер учаскесіне жеке меншік құқығы немесе жер пайдалану құқығы қандай негіздер бойынша тоқтатылады?
Құқықтан бас тартқанда, мерзімі өткенде, учаскені алып қойғанда, құқықты иеліктен шығарғанда және учаскені нысаналы мақсаты бойынша пайдаланбағанда тоқтатылады.
Жер учаскесін жалдау мерзімін қалай ұзартуға болады?
Мемлекеттік қызметті облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары, аудандық маңызы бар қалалардың, кенттердің, ауылдардың, ауылдық округтердің әкімдері (бұдан әрі – қызмет көрсетуші), сондай-ақ «электрондық үкімет» порталы арқылы жеке және заңды тұлғаларға (бұдан әрі – қызмет алушы) көрсетеді. Қызметті онлайн қалай алуға болады: Порталда авторизациядан өтіп, «Қызмет алу» сілтемесін басыңыз. Жария кадастрлық картаға өтіп, жер учаскесін таңдаңыз, өтінім жолдарын толтырыңыз және қажетті құжаттарды жүктеңіз. Өтінімді ЭЦҚ қол қойып, «Өтінімді жіберу» батырмасын басыңыз. Берілген өтінім бойынша ақпарат «Өтінімдер» бөлімінде қолжетімді. Қызметті мемлекеттік органнан қалай алуға болады (қажетті құжаттар): Өтініш . Сәйкестендіру құжатының көшірмесі (жер учаскесіне уақытша өтеулі (ұзақ мерзімді, қысқа мерзімді) жер пайдалану (жалға алу) құқығын беру актісі не жер-кадастрлық жоспар). Жер учаскесін уақытша (қысқа мерзімді ұзақ мерзімді) өтеулі жер пайдалануға (жалға алуға) жасалған шарттың көшірмесі (шарт туралы ақпарат біріңғай мемлекеттік жер кадастры ақпараттық жүйесінде болмаған жағдайда ұсынылады).
Жер учаскесін жалға алу мерзімім аяқталғалы жатыр. Мерзімді ұзарту туралы өтінішті қашан беруім керек?
Қазақстан Республикасының Жер кодексінің 37-бабына сәйкес, жер пайдаланушы (жалға алушы) уәкілетті органға жалдау шартының мерзімін ұзарту ниеті туралы тиісті түрде рәсімделген хабарламаны жалдау шартында көрсетілген мерзімде жіберуге міндетті.
Жер учаскіні өз еркімен қайтару үшін өтінішті қалай беру керек?
Өтініште жер учаскісінің координаттарын көрсетіп, лицензияны жібересіздер. Біз жер учаскіні қайтару бойынша комиссияны құрастырып, қаулы шығарып, тексеру жұмыстарын жүргіземіз.
Жер қойнауын пайдалану мақсаттары үшін жер учаскелерін алу үшін не істеу керек?
Жер қойнауын пайдалану мақсаттары үшін жер учаскелерін алу үшін "E-license" порталы арқылы өтініш беріп, келесі құжаттарды қоса беру керек: 1. Контракт, лицензия; 2. Жер учаскілерінің координаттары.
Өндірушінің асыл тұқымды бұқасын сатып алу кезінде субсидиялау нормативі қандай?
2019 жылғы 15 наурыздағы Асыл тұқымды мал шаруашылығын дамытуды, мал шаруашылығы өнімінің өнімділігі мен сапасын арттыруды субсидиялау қағидаларына сәйкес өндірушінің асыл тұқымды бұқасын сатып алуға 150 мың теңге сүйенеді.
Асыл тұқымды мал басын сатып алу үшін субсидия алу үшін не қажет және оларды қалай алуға болады?
2019 жылғы 15 наурыздағы "Асыл тұқымды мал шаруашылығын дамытуды, мал шаруашылығы өнімінің өнімділігі мен сапасын арттыруды субсидиялау" қағидаларына сәйкес осы бағыт бойынша субсидия алу үшін шаруа қожалығына "plem.kz"порталы арқылы өтінім беріп, мынадай талаптарды сақтап отыру қажет: Есептік нөмірдің болуы (ауыл шаруашылығы кооперативін қоспағанда) (2025 жылғы 1 қаңтардан бастап қолданылады). Ауыл шаруашылығы мақсатындағы жерлердің болуы, республикалық маңызы бар қалалардың аумақтарында орналасқан тауар өндірушілер үшін – елді мекендердің ауыл шаруашылығы пайдаланылатын жерлерінің болуы. Бұл өлшемшарт жеке қосалқы шаруашылықтардан ғана құрылған ауыл шаруашылығы кооперативтеріне қатысты қолданылмайды. Өтінім беру сәтінде АЖБ* және САТЖАҚ*-да аналық мал басының тіркелген болуы (ауыл шаруашылығы кооперативтері үшін – ауыл шаруашылығы кооперативінің немесе кооператив мүшелерінің атында тіркелген болуы). Өтінім беру сәтінде сатып алынған малды АЖБ және САТЖАҚ-да тіркеудің болуы. "Сатып алынған мал басының жасы (ел ішінен сатып алғанда - асыл тұқымдық куәлікте көрсетілген сату сәтінде) – 8-26 ай аралығында болуы тиіс. *АЖБ - ауыл шаруашылығы жануарларын бірдейлендіру жөніндегі дерекқор; *САТЖАҚ - селекциялық және асыл тұқымдық жұмыстың ақпараттық қоры.
Облыс аумағында ауыл шаруашылығы техникалары тіркелгенің қалай білуге болады?
"E-өтініш" сервисі арқылы өтініште жеке кәсіпкердің немесе жауапкершілігі шектеулі серіктестіктің толық атауын және ЖСН (жеке сәйкестендіру нөмірі) немесе БСН көрсетіп, біздің мекемеге жібересіздер.
